Rusia, gati për stërvitjen më të madhe ushtarake në 40 vite

September 11, 2018 09:05

Rusia, gati për stërvitjen më të madhe ushtarake në 40 vite

 

Rusia përgatitet të zhvillojë stërvitjet më të mëdha ushtarake në gati 40 vjet duke filluar të martën në Siberinë lindore.

Ministri i Mbrojtjes Sergei Shoigu tha se pesë ditët e manovrave ushtarake do të përfshijnë 300,000 ushtarë, 36,000 automjete ushtarake, 1,000 avionë dhe 80 anije luftarake.

Ai tha se stërvitjet janë më të mëdhatë që nga viti 1981, kur Bashkimi Sovjetik ishte ende në Luftën e Ftohtë me Shtetet e Bashkuara.

Ushtria ruse thotë se stërvitjet masive, të njohura me kodin Vostok -2018, janë thjesht mbrojtëse.

“Manovrat nuk janë të drejtuara kundër vendeve të tjera dhe janë në përputhje me doktrinën tonë ushtarake, e cila është mbrojtëse në natyrën e saj”, tha Valeri Gerasimov, shefi i shtabit të përgjithshëm të Rusisë.

Kina po planifikon të marrë pjesë për herë të parë në stërvitjet ushtarake ruse, duke dërguar 3,200 trupa. Presidenti kinez Xi Jinping do të jetë në Rusi këtë javë për t’u takuar me presidentin Vladimir Putin në një forum ekonomik në qytetin e Lindjes së Largme Vladivostok.

Stërvitjet zhvillohen në një kohë tensionesh mes Perëndimit dhe Rusisë, duke përfshirë akuzat për ndikimin rus në çështjet perëndimore dhe konfliktet në Ukrainë dhe Siri.

Marrëdhëniet ndërmjet Perëndimit dhe Rusisë u përkeqësuan ndjeshëm pasi Rusia aneksoi Krimenë në 2014 dhe pas një rebelimi pro-rus në Ukrainën lindore.

a.s/dita

September 11, 2018 09:05
Komento

1 Koment

  1. usa....go home . September 11, 19:14

    mos u lodh kot, me gjithe ato mjete e njerez:, thuaj usa-s mos ha m..ut, se t’i nisa raketat atomike . ps. mjafton vetem nje dhe …c’do gje del nga kontrolli . kjo eshte ..lufta sot .

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*