Sa kushton krahu i punës në Shqipëri?

April 12, 2018 15:57

Sa kushton krahu i punës në Shqipëri?

 

Krahu i lirë i punës në Shqipëri llogaritet të jetë më i liri në rajon dhe në BE.

Kosto orare mesatare për një të punësuar në Shqipëri llogaritet të jetë rreth 2.3 euro, rreth 12 herë më e ulët se mesatarja e Bashkimit Europian.

Të dhënat janë marrë nga INSTAT për Shqipërinë dhe Eurostat për vendet e tjera të Europës.

Krahasuar me vendet e rajonit, kostot orare e punës llogaritet të jetë 1.2 euro më e lirë se në Maqedoni, ku një orë pune kushton 3.5 euro, shkruan Monitor.

E treta më e lirë për sa u përket kostove është Bullgaria, ku një orë punë krahason 4.9 euro.

Në vendet e tjera të Ballkanit Perëndimor, si Serbia, Bosnjë-Hercegovina dhe Mali i Zi, kostot orare të punës janë më të larta se 5 euro. Në Serbi, kosto mesatare orare është 5.1 euro, në Malin e Zi 5.3 euro, ndërsa në Bosnjë-Hercegovinë 5.8 euro.

Sipas të dhënave të Eurostat, mbi kostot orare mesatare të punës, Europa Lindore dhe Qendrore, në krahasim me Europën Perëndimore, janë më të lira. Ato luhaten nga 6 deri në 12 euro ora.

Më pas, për kosto të lirë punë, renditen vendet e Europës Jugore si Italia, Spanja, Greqia dhe Portugalia, ku kosto orare mesatare e punës varion nga 15 deri në 30 euro.

Më të larta kostot e punës janë në Europën Perëndimore, ku mesatarisht punësimi i një personi kushton nga 30 deri në 40 euro ora. Në Gjermani, kostot orare mesatare sipas të dhënave të Eurostat llogariten rreth 34 euro, në Francë rreth 36 euro/ora, ndërsa në Belgjikë 39.6 euro për një orë.

Europa Veriore ka kostot më të larta se e gjithë pjesa tjetër e Europës. Në Danimarkë, Islandë dhe Norvegji, ora mesatare e punës kushton mbi 40 euro.

Një i punësuar kërkon në Danimarkë mesatarisht 42.5 euro në orë, po aq edhe në Islandë.

Vendi më i shtrenjtë i Europës për sa u përket kostove orare të punës është Norvegjia, ku mesatarisht një i punësuar paguhet mbi 50 euro ora.

April 12, 2018 15:57
Komento

2 Komente

  1. A April 12, 23:34

    SHQIPERIA vendi me zdroms ne pagesen e krahut te punes. Kjo tregon se sa vleresohen njerezit. Kuptohet nuk jemi njerez te vleresuar por sklleverit e koheve moderne ne Evrope,
    Te rroje PS me EDI RAMEN ne krye dhe PD me LULEZIM BASHEN ne krye.

    Reply to this comment
  2. Pagatori April 13, 18:12

    Në vlerën apo koston e orës së punës, sidomos në vendet perëndimore ku zabatohen rregullat financiare, futen edhe taksat që zënë rreth 40% të kostos së një orë/pune, prandaj shprehja “sa kushton një orë punë” në këto vende do të thotë sa nxjerr punëdhënësi nga xhepi, por këto nuk shkojnë të gjitha në xhepin e punëtorit. Nuk merr një punëtor në Gjermani e gjetiu 30 apo 40 euro “pulito” pra të pastra, për 1 orë pune. Gazetarë që nuk kanë idenë për fushat për të cilat shkruajnë.

    Reply to this comment
Shiko komentet

Komento

Your e-mail address will not be published.
Required fields are marked*