Sadiku, edhe K’lautern në listë

Dritan Ikonomi November 7, 2012 13:20

Sadiku, edhe K’lautern në listë

Klubi gjerman interesohet për sulmuesin, në janar duket i sigurt largimi nga Lugano

 

Armando Sadiku vazhdon të jetë një nga emrat më të përfolur për merkaton e janarit, jo thjesht duke llogaritur vetëm futbollistët shqiptarë. Emri i tij po përmendet përherë e më tepër i shoqëruar me klube të ndryshëm futbolli. Së fundi, emri i ri në listën e të interesuarve për sulmuesin e Shqipërisë është Kaizerslautern në Gjermani. Siti zviceran fussball.ch ka bërë të ditur se skuadra gjermane dëshiron shqiptarin, ashtu si dhe Servete i Gjenevës, ndërkohë qëm më parë ka njoftuar për interesimin e dy italianeve të tjera, Lacio e Peskara.

 

Kaizerslautern aktualisht gjendet në ligën e dytë gjermane, por është ndër favoritët për t’u rikthyer në Bundesliga 1, çka do ta bënte një destinacion të pranueshëm për Sadikun. Në të kundërt, Servete aktualisht është në ligën e parë zvicerane, por në vendin e fundit dhe duket i pashpresë për t’i shpëtuar rënies. Edhe në rast se ia arrin, disa ditë më parë, për gazetën “Dita”, Sadiku u shpreh se dëshiron të largohet nga Zvicra dhe është e natyrshme, duke parë që ka oferta nga klube mjaft prestigjioze, në Gjermani, Itali dhe Angli. Me kaq shumë oferta, tashmë duket i sigurt largimi i Sadikut nga Lugano, për të cilin ka shënuar dhjetë gola.

 

10

Gola ka shënuar Sadiku me Luganon në kampionat, duke qenë shënuesi më i mirë i ligës së dytë zvicerane

 

8

Skuadra janë përmendur deri tani si të interesuara për Sadikun: Dortmund, Kaizerslautern, Mynih 1860, West Ham, Fiorentina, Lacio, Katania, Peskara, Servet

Dritan Ikonomi November 7, 2012 13:20
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*