Sako: E keqardhur që disa media shtrembëruan deklaratën. Dhimbje për 51 jetët e humbura

November 30, 2019 20:38

Sako: E keqardhur që disa media shtrembëruan deklaratën. Dhimbje për 51 jetët e humbura

Kryetarja e Bashkisë së Durrësit Valbona Sako ka sqaruar një lajm të përhapur nga mediat në lidhje me situatën në Durrës.

Kryebashkiakja Sako thekson se qoftë edhe humbja e një jete është tragjedi për një komb, ndërsa shpreh keqardhje që disa individë dhe portale kanë deformuar deklaratat duke i nxjerrë nga konteksti.

“Qoftë edhe humbja e një jete është tragjedi për një komb. Dhimbje për 51 jetët e humbura, dhe e lumtur për shpëtimin e qindra mijërave të tjerëve.

Jam shume e keqardhur që siç ka dy anë që po punojnë dhe një anë që përpiqet të abuzoje me situatën, ashtu edhe sot kam parë që ka deklarata të miat të cilat janë keqkuptuar nga njerëz dhe media të caktuara. Në vend që të kontribuojnë për ndihma për familjet në nevojë dhe për më shumë humanizëm, për fat të keq ka nga ata që i përdorin minutat dhe statuset e tyre për të shkëputur fjalë nga konteksti dhe për t’i shtrembëruar ato.

Në këto katër ditë të kësaj fatkeqësie, jemi munduar bashkë me miqtë tanë të shumtë që na janë gjendur, të bëjmë çmos gjatë operacionit të kërkim shpëtimit, dhe tashmë për verifikimin e banesave të dëmtuara dhe nisjen e rindërtimit.

Është koha të jemi të gjithë bashkë për të kapërcyer këto momente. Durrësi di gjithnjë të ngrihet edhe në momentet më të vështira”, thekson në reagimin e saj kryebashkiakja Sako.

November 30, 2019 20:38
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*