Politikanë dhe rrospije

May 3, 2016 11:06

Politikanë dhe rrospije

Im atë më në fund mësoi kompjuterin. Domethënë, të lëvizë miun dhe të klikojë mbi lajmet në faqen online të të përditshmeve shqiptare. Kuptohet, se ç’është kliku dhe ç’domethënë online, e mori vesh në praktikë e sipër.

Qëllimi im final, që të futej në skype (edhe këtë u rreka t’ja shpjegoj) dhe të flisnim sa herë të donte, që të mos harxhonte celularin (u shtrenjtua prapë dreqi) nuk u arrit, po nejse.

E kisha llafin tek lajmet. Faqet e ca portaleve me informacion i mësoi relativisht kollaj. Por këtu nisën incidentet e para. Ja ku jua them, nuk kishte fare faj.

Ngjitur me një titull mbi projektbuxhetin, i kishin vendosur një lajm po kaq të rëndësishëm, për gjoksin e Encës.

Shkonte më tej për të marrë vesh si ishte situata me përmbytjet, por për dreq klikonte “3 mënyrat novatore si të bësh seks në dush”.

Më bënte be e rrufe se kishte klikuar Berishën, por i hapej lajmi i klipit të ri të Çiljetës. Nuk gënjente. Titujt ishin aq pranë e pranë, saqë incidente të tilla është e pamundur të mos ndodhin.

Klikonte deklaratën e Niko Peleshit, dhe i hapej rikthimi i modës “retro” në disa qytete të SHBA, a të Europës, ku femrat nuk i heqin më leshtë, në kujtim të kohëve të lavdishme të qëmotshme.

Para dy ditësh më mori në telefon. “Hajde merre këtë yçklën, se do ta thyej fare”, më tha.

U përpoqa ta qetësoj, more mbaje se është shumë e vlefshme, të lidh me dynjanë, merr vesh se ç’ndodh, sheh motin, do mësosh dhe skype-n dhe do flasim me video…

“Merre sa më shpejt”, këmbënguli, “në do të flasësh prapë me mua dhe tët ëmë”.

Dëgjo, i thashë, me siguri të ka ndodhur prapë ndonjë nga ato incidentet me klikime, por s’ke ç’i bën, tani të gjitha gazetat online kanë futur ashtu lajmesh e fotosh, që të shtojnë lexuesit.

“Le t’i shtojnë dhe të bëjnë qejf në dush bashkë me… me nder lexuesit”, bërtiti, “më ka turpëruar. E mora me vete tek shokët ku luajmë domino, që t’u tregoja sesi ishte ndarë PD-ja në grupazhe, dhe më hapen fotot e “rrospive që nuk rreshtin së surprizuari!” Kam fytyrë unë”.

Nejse, laptopin ja mora. Por më mbeti në mendje thënia e një shoku të tim eti.

“Nuk ka asgjë për t’u çuditur”, i kishte thënë ai, “ti nuk bëre asnjë gabim. Kërkove lajme politike dhe të dolën kurvat. Ku qëndron problemi këtu?”

 

 

May 3, 2016 11:06
Komento

7 Komente

  1. Elpiniqi December 1, 18:21

    Edhe im ate e beri lanet laptopin,se u merzit me ate fjaline qe ia fut si kau peles:”PO SHRUAN SHPEJT etj,etj”!!!
    Po c’pune ka ky i gazetes se shkruaj shpejt une??
    Cfare pune i prisha une ketij??
    Na jane bere si policet rrugore qe rrine me radar tek syu dhe me vrap te vene gjobven!
    Po ata te shjkretet e kane mire,se shpejtesia e madhe VRET NJEREZ,po une matane kompjuterit,CFARE INCIDENTI I BEJ KETIJ MODERATORIT???
    Ne fakt kete pune e ben vetem gazeta TEMA se tek te tjerat nuk ndodh ky “incident”!!
    Ja edhe tani,me doli edhe mua kjo parulla “antikomuniste”:
    -Po i postoni shpejt komentet!
    Pa uleni pak ritmin?

    Reply to this comment
  2. Dardhari December 1, 18:26

    Shkrim I goditur , I kohes dhe gazetat duhet te kuptojne qe me tregime sexsi meren te tjera revista dhe gazeta.
    Megjithese ti e bere shkrimin askush nuk do te degjoje se degradimi ka hyre thelle ne vendin tone. Komplet shtypi eshte nje biznes qe ose i ferkon krahet njeres parti dhe pastaj ne qofte se paguhet me mire per te bashkepunuar me kundershtarin se ka per gajle te shaje dhe Nenen e vet

    Reply to this comment
  3. Arturi December 1, 18:26

    🙂 🙂 🙂 🙂 🙂

    Reply to this comment
  4. Arber Iliri December 2, 23:13

    Ato lajmet e rospive i donte ai 82 vjecari qe e vrane per p…. ne Fier, yt ate paska marre fund.hahahah

    Reply to this comment
  5. raimond Vlonjati December 4, 20:23

    Ky e paska plakun shum loqe , sic duket do kete qene ushtar ne xhenjo

    Plaku Im e mesoi tak fak Skype , sado qe esht mbi te 70-tat

    Reply to this comment
  6. Tahipi December 5, 08:31

    Ecelente

    Reply to this comment
  7. Durrsaku December 5, 18:05

    E bukur kjo fotografi shume. Plaku i mocem duhet te jete komentuesi veteran P. Zaimi besoj.

    Reply to this comment
Shiko komentet

Komento

Your e-mail address will not be published.
Required fields are marked*