Sekuestro pasurisë të arrestuarit për drogë

August 2, 2016 13:00

Sekuestro pasurisë të arrestuarit për drogë

Me kërkesë të Prokurorisë për Krime të Rënda, gjykata ka sekuestruar dyqane e troje në Tiranë dhe Elbasan, si edhe dy shoqëri private në emër të shtetasit Arben Lamçe dhe personave të lidhur me të, në kuadër të ligjit “Antimafia”.

Lamçe është i dënuar në Itali me 14 vjet burgim, për akuzat e shfrytëzimit të prostitucionit. Ai është arrestuar në Elbasan dhe ekstraduar në vitin 2011, në Itali, ku kërkohej për të vuajtur dënimin e dhënë nga Gjykata e Breshias.

Menjëherë pas ekstradimit, Prokuroria e Elbasanit nisi fillimisht hetimin për veprën penale të “Pastrimit të produkteve të veprës penale”, pasi rezultoi se në emër të tij kishte disa prona të paluajtshme dhe shoqëri tregtare. Por, Prokuroria e Elbasanit u detyrua të pushojë hetimet ndaj Arben Lamçes, për shkak se nuk mbërritën letër-porositë nga ana e autoriteteve italiane lidhur me të dhëna për fitimet e tij të mundshme nga aktiviteti i paligjshëm.

Gjithësesi, Prokuroria për Krime të Rënda nisi hetimin ndaj të dënuarit, në kuadër të ligjit të njohur si “Antimafia”. Në bazë të këtij ligji, personat që dyshohet se kanë krijuar pasuri nga aktiviteti i krimit të organizuar, janë të detyruar të justifikojnë me burime të ligjshme pasurinë e tyre.

Nga hetimi i Prokurorisë për Krime të Rënda, rezultoi se i dënuari Altin Lamçe ka të regjistruar në emër të tij disa troje dhe lokale në Tiranë dhe Elbasan. Po ashtu, ai është administrator i “Elba Import”, një kompani private transporti. Ndërkohë, edhe një kompani tjetër, “Elba Beton”, ishte krijuar prej tij dhe më pas i ishte kaluar shtetasit A. O. Prokuroria për Krime të Rënda ka dyshime të arsyeshme se kalimi i pronësisë së kësaj kompanie është kryer në mënyrë fiktive nga Arben Lamçe tek miku i tij, A.O.

Në këto kushte, Prokuroria për Krime të Rënda ka kërkuar sekuestrimin e disa pasurive të paluajtshme. Gjykata për Krime të Rënda ka pranuar këtë kërkesë dhe ka vendosur sekuestron për asetet, si më poshtë:

  1. Pasuria e llojit truall prej 120 m2, ndodhur në rruga “Qamil Guranjaku”, (pranë Liceut Artistik) Tiranë.
  2. Pasuri të llojit truall 340 m2 nga e cila ndërtesë 100 m2, ndodhur në rruga “Lek Dukagjini” (pranë Piramidës), Tiranë
  3. Pasuria e llojit “Njësi tregtare” (dyqan), me sipërfaqe 46 m2, Elbasan
  4. Pasuria e llojit “Njësi tregtare” (dyqan), me sipërfaqe 97.67 m2, Elbasan
  5. Shoqëria Elba Beton SHPK, me zyrë qendrore në Elbasan, me ortak të vetëm dhe administrator aktual A.O.
  6. Shoqëria Elba Import SHPK me me zyrë qendrore në Elbasan, me ortak të vetëm dhe administrator aktual A.O.
August 2, 2016 13:00
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*