Sekuestrohen 11 kg heroinë në Igumenicë, në pranga shqiptari

11 kilogramë heroinë janë sekuestruar mbrëmjen e sotme nga policia në portin e Igumenicës. Policia greke ka vënë në pranga një të ri shqiptar si transportues i lëndës narkotike. Heroina u gjet në automjetin e të riut shqiptar, e ndarë në 20 pako dhe dyshohet se i arrestuari do të hipte në traget për në Ankona të Italisë. Policia po viojon hetimet për identifikimin e personave të tjerë të përfshirë në rrjetin e narkotikëve dhe zbardhjen e destinacionit të lëndës narkotike.