Sezoni turistik, Xhafaj inspekton pikën kufitare në Muriqan: Eliminoni radhët

June 15, 2018 16:20

Sezoni turistik, Xhafaj inspekton pikën kufitare në Muriqan: Eliminoni radhët

 

Ministri i Brendshëm Fatmir Xhafaj ka inspektuar ditën e sotme Pikën e Kalimit të Kontrollit Kufitar në Muriqan për të parë nga afër zbatimin e masave lehtësuese në kuadër të sezonit turistik veror.

Xhafaj u shoqërua edhe nga Drejtori i Përgjithshëm i Policisë së Shtetit Ardi Veliu dhe Zv/drejtoresha e Përgjithshme Aida Hajnaj.

Ministri Xhafaj është pritur nga stafi i të dy pikave kufitare, shqiptare dhe ajo e Malit të Zi, çka tregon për një bashkëpunim dhe koordimin mjaft të mirë mes dy policive.

Ministri i Brendshëm ka kërkuar performancë të lartë nga punonjësit e policisë, shërbim sa më cilësor, eliminim të radhëve duke krijuar lehtësi, në kuadër të masave të marra, forcim të kontrollit në drejtim të parandalimit, evidentimit dhe goditjes së trafiqeve të paligjshme dhe lëndëve narkotike, si dhe rritjen e forcës goditëse në drejtim të goditjes së paligjshmërisë, falsifikimit të dokumenteve, kontrabandës, kalimit të paligjshëm të kufirit apo kontrabandimit të migrantëve të paligjshëm nga vendet e treta që hyjnë në Shqipëri nëpërmjet shtetit grek, me qëllim kalimin në vendet e BE-së.

Drejtor Veliu ka theksuar se Drejtoria e Përgjithshme e Policisë së Shtetit do të mbështesë Drejtorinë Rajonale të Kufirit dhe Migracionit, Shkodër me forca shtesë të FNSH-së apo shërbimeve të tjera si në Pikat e Kalimit në Muriqan, ashtu edhe në kufirin e gjelbër.

Drejtori i ri i kufirit Krenar Muça, ka theksuar se me palën malazeze kryejnë kontrolle të përbashkëta në pikat e kalimit si dhe patrullime të përbashkëta në kufirin jeshil dhe në liqenin e Shkodrës, për të parandaluar dhe goditur trafiqet e paligjshme.

a.s/dita

June 15, 2018 16:20
Komento

1 Koment

  1. Emigranti June 15, 23:54

    Rritja e numerit te sporteleve shkurton eadhet e gjata te emigranteve qe kthehen per te kontribuar edhe ne mireqenie duke hedhur me shume para ne qarkullim . Qeveria Shqiptare te kerkoje lehtesi dhe ne kufirin Kroaci-Mal
    I Zi se atje eshte vonesa me e madhe.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim