Sfida e fundit mund t’i çojë deri në vetëvrasje/ Policia paralajmëron: Prindër kujdes! Po zhvillohet një lojë e rrezikshme virtuale…

July 18, 2020 10:40

Sfida e fundit mund t’i çojë deri në vetëvrasje/ Policia paralajmëron: Prindër kujdes!  Po zhvillohet një lojë e rrezikshme virtuale…

Në vijim të punës për parandalimin dhe goditjen e krimeve kibernetike, Njësia “C” për Hetimin e Krimeve Kompjuterike, në Departamentin e Policisë Kriminale  prej disa kohësh ka evidentuar daljen dhe zhvillimin e një loje të re dhe të rrezikshme virtuale, e cila quhet “Jonathan Galindo”.

Për të sqaruar më mirë opinionin publik, loja e re virtuale “Jonathan Galindo” vjen pas disa lojërave virtuale siç kanë qenë “Balena Blu” dhe “Momo”.

“Jonathan Galindo”, i njohur edhe si “Cursed Goofy”, është një personazh i përshkruar si një njeri i veshur me një maskë qeni “Goofy” dhe është i lidhur me sfidën Balena Blu.

Përdorues anonimë krijojnë profile duke përdorur emrin “Jonathan Galindo” dhe duke përdorur imazhe të ndryshme të “Cursed Goofy” dhe më pas iu dërgojnë mesazhe grave dhe fëmijëve nëpërmjet platformave të mediave sociale, duke i pyetur ata nëse dëshirojnë të luajnë një lojë, duke iu referuar sfidës së Balenave Blu, e cila ka ngjashmëri me sfidën “Momo”.

Nëse ata refuzojnë, përdoruesi do t’i kërcënojë se do bëjë publik informacionin e tyre personal.

Nëse personat të cilët kanë marrë mesazhet do të pranojnë të luajnë, kjo sfidë mund të zgjasë 50 ditë me 50 sfida të ndryshme dhe si përfundim sfida e fundit mund t’i çojë deri në shkaktimin e vetëvrasjes.

Po ashtu, për sqarim të opinionit publik, pamja e përdorur nuk është pamje e cila detyrimisht duhet të tregojë që përdoruesi i saj të jetë pjesë e kësaj sfide, pasi ajo mund të përdoret dhe nga përdorues të ndryshëm për qëllime tërësisht të ndryshme. Imazhet e përdorura në profilet e këtyre llogarive kanë origjinën nga stilisti Samuel Canini dhe datojnë të paktën në vitet 2012-2013.

Personazhi “Jonathan Galindo” aktualisht është i paidentifikuar, por profili i parë i përdorur për këtë qëllim vjen nga platforma sociale “TikTok”, në vjeshtën e vitit 2019.

Që nga krijimi i këtij profili, llogari të shumta të ngjashme me njëra-tjetrën janë shfaqur në të gjithë rrjetet sociale si: TikTok, Tëitter, Instagram, Discord dhe më shumë, duke dërguar mesazhe tek përdoruesit e këtyre rrjeteve sociale dhe duke i inkurajuar ose kërcënuar ata që të marrin pjesë në këtë sfidë.

Aktualisht, sipas të dhënave që Njësia “C” disponon, personat më të prekur janë fëmijët e moshave nga 10 deri në 18 vjeç, të cilët bëjnë pjesë dhe në grupet më të prekshme të shoqërisë.

I bëjmë thirrje të gjithë qytetarëve që të bëjnë kujdes përsa i përket monitorimit të pjesëtarëve të familjes së tyre dhe veçanërisht të fëmijëve, në çdo rast, dhe sidomos kur vërejnë shenja si:

Fëmijët marrin mesazhe apo postime nga “Jonathan Galindo”, i cili është një njeri që e ka fytyrën të lyer si personazhi “Micky Mouse” ose si qen;

  • Marrin ose referohen në #f57, #f40 ose #ImaWhale;
  • Ndryshime ekstreme në zakonet e tyre të të ngrënit apo të gjumit;
  • Përdorimi i veshjeve të gjata që mbulojnë mirë pjesët e trupit me qëllim që të fshihen vetëdëmtimet trupore;
  • Fotografimi i veprimeve apo aktiviteteve të ndryshme dhe dërgimi në llogari të rrjeteve sociale që prindërit nuk i njohin.

Ndoshta disa prej këtyre shenjave mund të mos kenë të bëjnë me këtë sfidë, por gjithsesi përbëjnë arsye serioze për t’u shqetësuar.

Si përfundim, sqarojmë opinionin publik se deri më tani Njësia “C” për Hetimin e Krimeve Kompjuterike në Policinë e Shtetit nuk ka evidentuar asnjë rast të tillë në Republikën e Shqipërisë dhe njëkohësisht bën thirrje për çdo shtetas që beson apo dyshon se gra apo fëmijë ndodhen në situatë të një rreziku të tillë, të njoftojnë menjëherë dhe në çdo moment Policinë e Shtetit.

o.j/dita

July 18, 2020 10:40
Komento

3 Komente

  1. Ivoni July 18, 14:23

    Mos u shqetesoni..! Republica dikur e lavdishme e Shqiperise sot e drejthesve te saj “djalli me brire” nuk I lejon te rrinj te apo te rrejat te kryejne vetvrasje. Mos u shqetesoni..!

    Reply to this comment
    • Ivoni hajvoni July 18, 15:08

      He me te lumte goja dmth. haleja. Per badrushlleqe edhe lavirja e bulevardit te Yzberishtit s’ta kalon. Era e saj e qelbur kundermon ambjentin e forumit edhe sikur njeqind e kusur nofka te ndryshoje.

      Reply to this comment
  2. Gzim Kulufi July 18, 20:00

    Policia paralajmeron: kujdes, hajdutet shetisin lart e poshte, kujdes, perdhunuesit nuk dallohen, kujdes, mashtruesit e firmave te ndryshme duken si engjej, kujdes, ne internet lulezon kriminaliteti si kurre ndonjehere! Por ja qe ne jemi te detyruar te biem ne kontakt me hajdutet, me perdhunuesit, me mashtruesit, me kriminelet e internetit, sepse aktiviteti ditor blerje-shitje te detyron! Mos qenkemi vete fajtor ne, nwse vidhemi, perdhunohemi, mashtrohemi, hyme ne nje rrjete kriminale qe s’na le te dalim! JO! Ndaj policia dhe drejtesia e kane per detyre ti kapin dhe denojne keta hajdute, perdhunues, mashtrues e kriminele interneti! Dhe jo tu lene qytetarve ndjenjen sikur jane ata fajtore per demin qe pesuan!

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*

Njoftim

Njoftim

Njoftim