SHBA, tërmet politik nga mesazhet e ambasadores Faber

January 12, 2016 19:54

SHBA, tërmet politik nga mesazhet e ambasadores Faber

Gojët e liga thonë se javën e kaluar, në një takim me fëmijët e kopshtit nr. 5 në Atlanta, Xhorxhia, ambasadorja e Republikës së Jashtëzakonshme dhe Fuqiplotë të Shqipërisë në SHBA, zonja Floreta Luli-Faber, rrëfeu një përrallë që për shumë media dhe analistë amerikanë, ishte një alegori e hollë për të përcjellë një mesazh politik.

“Dhe Hirushja u sëmur, ndaj e shtruan në QSUT, në Tiranë”, po thoshte ambasadorja, “por njerka e Hirushes u gëzua shumë kur drejtuesit e spitalit i thanë se nuk do paguante asgjë, pasi ishte falas. Shumë mirë, tha njerka, se s’kisha ndërmend të paguaja për këtë tyryfyçkën që ecën zbathur dhe sëmuret…”.

Mësohet se fëmijët amerikanë u shastisën nga koncepti i mjekësisë falas, dhe pëshpëritën me njëri-tjetrin, “ua spitali falas, si jashtë shtetit…”.

Por mesazhi i diplomates kyçe në Uashington, ishte më i thellë: “Edhe ju brezi i ri në Amerikë, duhet ta mbështesni nismën e presidentit për reformën e shëndetësisë, Obamacare…”.

Pas këtij episodi, një pjesë e mediave e lavdëruan nëntekstin e zonjës Faber, madje sollën në kujtesë ndërhyrjet e tjera delikate të saj, siç ishte rasti i kontestimit të zgjedhjeve lokale në kontenë Bakaçunga të shtetit Uajoming.

“Do doja shumë që këto zgjedhje të ishin një hap përpara për demokracinë e komunitetit të Bakaçungas”, pat deklaruar Faber, “por kjo në radhë të parë është në dorën tuaj”.

Pati ndërkaq, edhe reagime kritike, megjithëse me doza të moderuara. Më i drejtpërdrejtë ishte kandidati republikan për presidencën, Donald Trump, sipas të cilit “ambasadorët e vendeve mike ne i respektojmë, por hallet tona s’na i zgjidh kush nga jashtë, nëse nuk lëvizim vetë”.

Por menjëherë pas një deklarate të shkurtër të ambasadores, sipas të cilës “ka disa kandidatë për presidentë, pasuria e të cilëve kalon 123 herë GDP-në e vendit tim”,  Trump iu desh të bënte një hap pas.

“Ajo fjali është nxjerrë nga konteksti”, deklaroi Trump.

Opinioni publik amerikan pret me kureshtje mesazhet e ambasadores shqiptare, gjatë vizitës së përbashkët që do të kryejë me presidentin Obama në çerdhen “President Nishani” të Bronksit, e ndërtuar me ndihmën e një granti të Fondit Shqiptar për Vendet e Botës së Parë.

January 12, 2016 19:54
Komento

14 Komente

  1. lom deliu January 13, 11:12

    sa fat paska Amerika qe I ka shkuar atje kjo ambasadore qe po e ndihmon me keshilla te mira….lum Amerika ti kendojme kengen
    Amerik çe pate fat qe u bere me ambasadore Faber//

    Reply to this comment
  2. Muli January 13, 11:36

    Imagjinova nje sekond Hirushen te shtruar ke spitali QSUt; do kish vajtur me te shumtet qysh diten e par hahahaha

    Reply to this comment
  3. Davidi January 13, 11:40

    Po kjo Floreta paska fantazi te shfrenume! cerdhja ‘president Nishani’ ne Bronx???

    Reply to this comment
  4. mala January 13, 13:45

    po tallni thenby me keto lajme per aktivitetin e amasadoreve tane. keta vetem per dreka darka, barcaleta dhe guide shoppingu jane, gje tjeter sdine te bejne

    Reply to this comment
  5. Lleshi January 13, 14:16

    Bravo qenka vajze me fantazi çika ?! Dhe une kur e emeruan , mendova “cfare ka kaq te vecante kjo si vajze ?” !

    Ja pra , fantazia , qe jo cdo vajze i qellon ta kete , lere pastaj ta beje realitet !

    Reply to this comment
  6. Qamili January 14, 08:16

    Fycke…flet sikur Shqiperia eshte superfuqi…qsut eshte bere per filma horror…

    Reply to this comment
  7. rudin January 14, 14:05

    ah sa kam qesh
    keto po qe paskan qene komente

    Reply to this comment
  8. roberti January 14, 17:25

    Termet politik….haaaaaaaaa…po kush qan b….. ne Amerike per nje ambasadore anonime.
    Behuni pak serioz.

    Reply to this comment
  9. faro January 15, 13:59

    Do te uroja te ishin ne kete lartesi te gjithe perfaqesuesit tane ne marredhenjet me te huajt, sepse pergjithesisht jane me sh te prirur per tu perulur e lepire dhe as nuk u shkon ndermend te lartesojne popullin qe perfaqesojne. Vecanerisht ne histori vlera qe u mungojne popujve te tjere, ne folklor, etnografi e lashtesi gjuhesore.
    Ju lumte Z. Faber!
    Fasleminderit shume!

    Reply to this comment
  10. antonio January 15, 15:00

    Ua paskemi dhene Nishanin amerikaneve qe t’i beje edhe ata GJYTYRYME si veten??
    Po per ne kush do kujdeset tani e tutje pa Nishanin???

    Reply to this comment
  11. ali ish socialisti January 15, 15:19

    ahahaaaaaaaa
    sa kam qesh
    hallall :):)

    Reply to this comment
  12. MH April 28, 20:33

    Dashuria e shqiptarise duhet te jete e dashuruar me Ameriken perjetesish pavarsisht se kush vjen President.
    Ne jemi vend i vogel si zogjet e shqipes ne cerdhe.Nga na duhet kohe te behemi te afte te fluturojme.
    Nga e gjithe shtetet e botes askush nuk na doli ne mbrojtje te liris vec Amerikes.Mos te ngutemi me zgjuarsi kur nuk kemi kapacitet.

    Reply to this comment
  13. Bashkim October 10, 06:07

    Ambasadoresha jone e nderuar Faber thuhet se po merret me punera te medha.Keshtu ajo eshte duke bere listen e Bilaleve te diaspores ne Amerike qe do te ftohen ne Tirane per tu “instruktuar” nga Kryecari i qeverise se si te ndihmojne qeverine dhe popullin american ne keto dite te veshtira te korrjes se canabisit per te arritur rezultate me te larta .

    Reply to this comment
  14. kris 1 February 6, 14:23

    nje gje eshte e vertete qe gjithe diplomatet e huaj qe kane sherbyer ne Shqiperi perfitojne nga Ramakar shebim shendetesor falas

    Reply to this comment
Shiko komentet

Komento

Your e-mail address will not be published.
Required fields are marked*