SHËNIM: “Ju e doni me të përvëluar, po ç’e do se s’kam….”

August 23, 2014 10:37

SHËNIM: “Ju e doni me të përvëluar, po ç’e do se s’kam….”

Ideatori vdiq, por ideja e tij e quajtur “Ice bucket Challenge”, vijon të bëjë xhiron e botës.

Corey Griffin, djaloshi që thuhet se promovoi sefte idenë e një kove ujë me akull mbi kokë, nuk jeton më, siç njoftohet, për shkak të një aksidenti; por ja që ka lënë pas si produkt të tij një akt vetëfshikullimi, ku në vend të ndonjë rripi a kamzhiku, është një kovë e mbushur me ujë që ka brenda dhe copa akulli, që dikush, zakonisht figurë publike, ja hedh vetes në kokë, shoqëruar më pas nga përzgjedhja e tre emrave, po ashtu figura të njohura.

Ngjan me një rit pagan, si fjala vjen, me kuturisjen e mijrave njerëzve në Indi për t`u llokoçitur në ujrat, të konsideruara të shenjta, të lumit Gang, me bindjen se aty pastrohen mëkatet. Ndërsa, riti epidemik i “vetëfshikullimit” me ujë e akull, është në funksion të ndihmës për të sëmurët me ALS.

Këndvështrimet janë më të ndryshme: për dikë ngjan si gjetje origjinale plot gallatë, për dikë tjetër është një gjest i pakuptimtë; ndërkohë ka prej atyre që pretendojnë se nuk shkon që aktet solidare për njerëz me probleme të rënda në shëndet, të katandisen në lojra çiliminjsh.

E ndër ta, spikasin ata që i shohin protagonistët e këtij akti, si njerëz hipokritë; dhe u vjen t`u thonë: “Ju doni përvëluar me ujë të nxehtë, por ç`e do që nuk kam ….” (Thënë nga xha Sulo pasi i hedh në kokë xha Beqos një broke me ujë, tek filmi “Kapedani”).

August 23, 2014 10:37
Komento

3 Komente

  1. Bashkim Pitarka August 23, 12:13

    Xha Sulo:”Ndizni more furrat,ndizni kaldajat dhe i mbushni kovat me uje te perveluar!Duhen perveluar keta kokoshet e medhenj bashke me ato pulat qe kakarisin si kendeze!” Kopjacet e dreqit!Na bejne “shou” publik,pa le!
    E di si me duket mua kjo loja e ketyre vipave me kova me uje e akull?Ja tamam si puna e atij burokratit te madh qe i shpjegonte nenes se tij plake qe e pyeste se cfare ishin “kritika” dhe “autokritika:
    -Qi ta morresh vesh tina mi none,autokritika osht nje tulle e modhe dhe shume e rone e mbeshtjellme mo par me kanotieren e palame,masanejna me xhaketen e trashe dhe e merr masnej dhe gedale i bie pak kokes tate duke thone:”Ke bo kabim t’rone,pranoje fajin!” Kurse ajo qetra,osht o none,po ajo tulle e rone,ashtu sic osht bo m’fabriken e tullave,t’u ngjitesh shkalleve te pese kateve,te dalesh ne tarace t’pallatit e t’ia leshosh shokut tat,nji tjetri, pelltuq ne maje t’kaptines e ta lesh n’ven! E kapton nime nryshimin tina none?…”
    Mesimi i kesaj historie: Drejtesia kerkon qe populli te ngrihet e t’u leshoje tullen,me mire malin mbi koke maskarenjve,hajduteve dhe rrufjaneve politike te vendit e t’i zhduke,sepse nuk pyesin ata me me kova loje me uje freskues ne mes te “vapes” se vertete qe po kalon ai popull.
    I bukur dhe i sakte titulli i shkrimit te “Dita” “Ju e doni me te perveluar, po c’e do se…”.Ju rekomandoj,te nderuar miq e lexues,ta lexoni midis rreshtave…

    Reply to this comment
  2. votuesi August 23, 16:59

    Po behet si loje kjo puna e koves me uje po ne vend te akullit te ishte zift i nxehte qe hidhnin luftetaret ne kalate e luftes me turqit cdo te thonin keta politikane qe po tallin menderet ,po sikur ti zinte virusi Ebola cfare do hidhnin ne koke keta qypa???

    Reply to this comment
  3. Paci August 23, 21:29

    Popull dhe vend i bekuar me politikan te mallkuar , sfidat nuk behen me qypa uji por me premtime te mbajtura .

    Reply to this comment
Shiko komentet

Komento

Your e-mail address will not be published.
Required fields are marked*