Shënohet 17-vjetori i nënshkrimit të Marrëveshjes së Ohrit

August 13, 2018 09:27

Shënohet 17-vjetori i nënshkrimit të Marrëveshjes së Ohrit

Sot bëhen 17 vjet nga dita kur u nënshkrua Marrëveshja e Ohrit, e cila i dha fund konfliktit mes UÇK-së dhe forcave të sigurisë së shtetit maqedonas.

Kjo ujdi është e ndërtuar mbi pesë parime themelore, të cilat u bashkëshoqëruan me ndryshimet kushtetuese, të cilat konfirmuan shoqërinë shumetnike maqedonase dhe ku u sanksionua se shqiptarët janë etni shtetformuese.

Marrëveshja kornizë synonte zhvillimin e qetë dhe harmonik të shoqërisë maqedonase duke respektuar njëkohësisht identitetin etnik dhe interesat e të gjithë qytetarëve të Maqedonisë.

Kjo garantohej përmes përmbajtjes së saj, ku decentralizimi ishte ndër pikat kryesore, pasi siguronte qeverisjen e tyre nga bashkësia më e madhe e popullatës që e përbën.

Parimet themelore të Marrëveshjes së Ohrit

  1. Ndërrimi i pushteteve vetëm përmes zgjedhjeve te lira dhe demokratike
  2. Garantohet sovraniteti dhe integriteti territorial i Maqedonisë.
  3. Konfirmohet karakteri shumetnik i shoqërisë maqedonase
  4. Ndërtim i shtetit demokratik
  5. Zhvillimi i pushtetit vendor

Përmbajtja e Marrëveshjes së Ohrit

  1. Ndërprerja e armiqësive
  2. Zhvillimi i pushtetit të decentralizuar
  3. Mos diskriminimi dhe përfaqësimi i drejtë
  4. Përfaqësim në gjyqësor në proporcion me popullsinë
  5. Gjuhë zyrtare është edhe gjuha amtare kur popullata është mbi 20%
  6. Shprehja e identitetit (përdorimi i simboleve të bashkësisë në zonat ku ata përbëjnë shumicën).

o.j/dita

August 13, 2018 09:27
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*