Sheshi “Shqiponja” me mbikalim, do ribëhet segmenti Kombinat-Plepa

April 24, 2018 09:54

Sheshi “Shqiponja” me mbikalim, do ribëhet segmenti Kombinat-Plepa

Vera që vjen do ta gjejë Tiranën në një kantier të vërtetë të punëve infrastrukturore. Bashkia e Tiranës do të nisë një sërë investimesh të rëndësishme që kanë të bëjnë kryesisht me transportin dhe sistemimin e disa prej hyrjeve dhe akseve kryesore në qytet.

Kryetari i Bashkisë së Tiranës duke folur gjatë emisionit “5 pyetje nga Babaramo” bëri të ditur se së shpejti do të nisë investimi në pjesën e Unazës nga “Pallati me Shigjeta” deri te “Shqiponja”, çka pritet të sjellë një lehtësim të ndjeshëm të lëvizjes se mjeteve në këtë aks.

Ai deklaroi gjithashtu se kanë nisur bisedimet me disa nga bankat ndërkombëtare për mundësinë e financimit dhe të ribërjes së aksit Kombinat – Plepa.

Kemi folur me disa banka zhvillimi ndërkombëtare për mundësinë e financimit të ribërjes të rrugës nga Kombinati në Plepa. Ajo është një zonë që ka shumë potencial, tani edhe industrial. Shumë prej mini-punishteve, fabrikave me 200-300 punonjës kanë filluar transferimin në atë zonë. Kështu është planifikuar edhe në planin urbanistik. Rruga Kombinat –Plepa është një rrugë nacionale, ka ardhur nevoja që edhe shtresat të rishihen dhe ndoshta te kemi më shumë zgjerim. Jemi duke folur me FSHZH dhe ARRSH që të fillojmë edhe aty një investim”, u shpreh Veliaj.

Në zonën e Kombinatit është parashikuar edhe ndërtimi i një terminali të panaireve që do të rivitalizojë gjithë këtë zonë duke e kthyer në një nga poliqendrat e Tiranës moderne, ndërkohë që e njëjta gjë pritet të ndodhë edhe në Kinostudio.

Kreu i Bashkisë dha një tjetër lajm të mirë edhe sa i takon akseve të tjera hyrëse në Tiranë, të cilat jo vetëm do të lehtësojnë dhe do të rrisin qarkullimin e automjeteve që hyjnë e dalin nga Tirana, por njëkohësisht pritet që të japin një impuls tepër pozitiv edhe në ekonomi.

Një tjetër hyrje është ajo e IKV në Kinostudio që sjell gjithë Malësinë e Tiranës, ku malësia e Dajtit, e Priskës ka atë akses. Kemi marrë sot një draft të parë të një hyrje që duam të organizojmë në Tufinë, që përfundon rruga e Arbrit. Aty po projektojmë që tani për terminal autobusësh dhe për verilindjen të paktën do jetë ajo hyrje e Tiranë”, tha ai.

Si do zgjidhet çështja e trafikut?

Në një qytet të madh ka gjithnjë trafik, është gënjeshtar ai kryetar bashkie që thotë s’do ketë më trafik. Kompania gjermanë që mat trafikun në Tiranë, ka 20% më pak. Kemi pasur 25 hotspote  Sot kemi 1-2 hotspote, “Shqiponja” dhe segmenti “Teodor Keko” ndërkohë është zgjidhur pjesa nga pallati me shigjeta-Farkë. Tek Shqiponja do ketë mbikalim e nënkalim që besoj se do ta zgjidhë këtë. Kur unë kam takime në qeveri e kam më të lehtë të shkoj me biçikletë në korsitë e dedikuara. Ta heqim iluzionin që Tirana s’do ketë trafik.

Shqiponja dhe Teodor Keko, Unaza e Astirit do fillojmë për punë javësh investimin. Do ketë zgjidhje sepse ka qenë ish- komuna Kashar e bërë  komplet pa plan. Bashkia e Tiranës do bëjë rrugët pingule,  ARRSH do bëjë rrugët tangenciale. Pra ky është plani, ne do fillojmë me bulevardet kryesor të Kasharit në të gjithë zonën e “Astririt”, qeveria do bëjë të gjithë aksin që quhet “Teodor Keko”, ose Unaza e Re.

Ka në projekt për një hyrje që trafiku nga veriu..

Ne sot kemi diskutuar, kemi marrë sot një draft të parë të një hyrje që duam të organizojmë në Tufinë, që përfundon rruga e Arbrit, aty po projektojmë që tani për terminal autobusësh dhe përfundimit të trafikut interurban ndaj për verilindjen të paktën do jetë ajo hyrje e Tiranë . Kemi folur me disa bankat e zhvillimit ndërkombëtare për mundësinë e ribërjes të rrugës nga Kombinati në Plepa. Ne duam të bëjmë një terminal të panaireve në zonën e Kombinatit, të njëjtën gjë me Kinostudion dhe mëto dy hyrje të reja, rruga Kombinat –Plepa.

o.j/dita

April 24, 2018 09:54
Komento

7 Komente

  1. klementi April 24, 10:06

    More zoti kryetar, pse dhiasesh, ti nuk ke fuqi te besh gjithe ato investime, i ke vetem per reklame. Nqs do te behen ato investime ato vetem qeveria mund ti beje, prandaj z.Veliaj leri pordhet, por vazhdo me proshjen e sheshit qendror se deri tani i ke bere menderen.

    Reply to this comment
  2. Genti April 24, 11:02

    Rruga Kombinat – Plepa duhet bere sa me pare. Nese i doni votat e kesaj zone, beni mire te shpejtoni me rikonstruksionin e kesaj rruge. Nuk keni asnje lloj justifikimi per te mos e bere, e tere zona ju ka votuar, mbetet qe edhe ju t’i ktheni minimalisht rrugen kryesore. Kryetari i Bahskise duhet t’i hedhe syte edhe ne rruget e njesive si Ndroqi, etj. ku shume shume pak eshte investuar. Rruget kryesore te fshtarave jane akoma pa u shtruar dhe ne gjendje te renduar. Krejt e kunderta eshte ne fshatrat e Vores, ku asfalti ka shkuar ne cdo shtepi. Ndaj, i nderuar kryetar pervishjuni punes pasi duam fakte konkrete pasi zhgenjimi eshte tejet i dukshem ne popullsine e kesaj krahine per ju.

    Reply to this comment
  3. I.Troplini April 24, 11:18

    Emrin, e ka simbolik ai shesh. SHQIPONJA.

    Sinonim i lirisè, bukurisè dhe elegancès, gèrshetuar me forcèn goditèse tè njè uragani qè nuk e ndal dot askush.
    Tek e pèrjetojmè çdo ditè atè shesh, me atè rrumpallèn e programuar qè tè kujton Kandaharin e emisinoit tè lajmeve, nuk mund tè rrish pa pyetur vetveten i tulatur,,,,, SHQIPONJA?
    Jo çdo pusetè e ujrave tè zeza, duhet quajtur doemos shqiponjè.
    Tani, plane pèr mbikalim. Si ato planet e atij mbikalimit tek Zogu i Zi?
    Njèri e ndèrton, tjetri e prish. Kètè herè, do bèjmè ndryshe.

    Reply to this comment
  4. Referendum per arrestimin e koleres sali April 24, 11:26

    Mos e peson si Zogu zi se vjen saliu me barbaret dhe e shkatrron.
    Vetem shkatrrimin dine barbaret hajdut

    Reply to this comment
  5. Kalimtaret e perditshem April 24, 11:37

    Blloko unazen e re majtas djathtas dhe lehtesohet trafiku
    nuk eshte las vegas ktu qe te behet mbikalim dhe nenkalim te shqiponja
    as stambolli as athina nuk kan edhe mbikalim edhe nenkalim qe jane dhjetfishin tone
    vazhdojn behen projekte te gabuara

    Reply to this comment
  6. Arben April 24, 13:23

    ATY DUHET MBIKALIMI, JO TEK ZOGU I ZI

    KU HODHI EDRAMA NJA 3 MILION EURO NGA

    PARATE TONA, DHE IKEN PER LESH.

    Reply to this comment
  7. Taras Bulba April 24, 15:08

    Po ter jeten koqe ngele a derezi

    Reply to this comment
Shiko komentet

Komento

Your e-mail address will not be published.
Required fields are marked*