Shih pak Erdogan se çfarë duhet të durojë Angela Merkel!

April 18, 2016 13:32

Shih pak Erdogan se çfarë duhet të durojë Angela Merkel!

Presidenti turk, Recep Tayyip Erdogan ka reaguar me zemërim ndaj një satire të përgatitur nga një komedian gjerman. Çështja ka marrë përmasa të jashtëzakonshme dhe gazeta më e madhe gjermane, Bild, sjell shkrimin e mëposhtëm:

Njeriu më i fuqishëm në Turqi po vepron gjithmonë e më shumë si një lëkurëhollë që dërgon këdo para gjyqit.

Fushata aktuale ligjore e presidentit turk, Recep Tayyip Erdogan, kundër satiristit gjerman Jan Boehmermann, për shkak të një poeme satirike në programin “Neo Magazin Royale”, është vetëm maja e ajsbergut.

Edhe më herët, ambasadori gjerman në Turqi, Martin Erdmann, ishta ankuar për një tjetër satirë, këtë radhë në programin e NDR, “Extra 3”.

Në këtë rast në shënjestër ishte trajtimi i diskutueshëm i lirisë së shprehjes dhe lufta ndaj kurdëve.

Edhe në vendin e tij, Erdogan dërgon në gjyq këdo që e paraqet atë në mënyrë të shtrembër.

“Që kur është bërë president, ai e konsideron si fyerje ndaj kreut të shtetit çdo manifestim publik kundër tij,” bëri të ditur Deutschlandfunk.

Më shumë se 200 herë, avokatët e tij i janë drejtuar gjykatave muajt e fundit.

Madje në pyetje është marrë edhe një 13-vjeçar.

Ky pushtetar i fuqishëm sillet si një mimozë e vogël dhe ndoshta duhet të marrë shembull nga kancelarja Angela Merkel.

Merkel nuk është kryetare shteti, si Erdogan.

Por si shefe qeverie në Gjermani, ajo është njeriu më i pushtetshëm.

Por ajo e ka lëkurën shumë më të trashë se Erdogan, edhe pse ka duruar kaq shumë fyerje.

-Në tetor të vitit 2012, ajo vizitoi Athinën, ku u prit me një shpërthim urrejtje ndaj saj për shkak të situatës ekonomike. “Heil Merkel” shkruante gazeta Proto Thema.

Gazeta Dimokratia shkruante: Merkel po ndërton Rajhun e Katërt.

Gazeta Ta Nea tregonte një karikaturë të Merkel me maskë gazi.

Deputeti Giannas Dimaras e quante Merkel-in një ‘killer’ (vrasëse).

Edhe demonstruesit lëshonin fyerje të rënda ndaj saj.

-Njësoj ndodhi me Merkel në vitin 2012, kur vizitoi Spanjën për shkak të krizës financiare.

-Në vitin 2013 në Qipro, një pllakat urrejtje kundër Merkel, e tregonte atë me mustaqe si të Hitlerit.

-Edhe në Poloni kanë ndodhur të tilla gjëra. Në vitin 2007 një revistë e portretizonte Merkel-in si Hitleri.

-Nëse Merkel do ishte si Erdogan, do e kishte çuar përpara gjykatës edhe miliarderin amerikan, Donald Trump. Ky i fundit deklaroi në vitin 2015, kur ajo u zgjodh Njeriu i Vitit nga revista Time, se Merkel e ka shkatërruar Gjermaninë.

-Edhe brenda në Gjermani, Merkel duhet të tejkalojë kufinjtë e durimit.

-Në krahasim me fyerjet që i bëhen në Gjermani, kjo duket si një episod krejt i padëmshëm. Në vjeshtë të vitit të shkuar, softueri Siri i Apple ishte manipuluar në mënyrë të tillë, sa nëse i kërkoje të dhëna për Angela Merkel, thoshte se ajo është një ‘derrkuce gënjeshtare’ dhe ‘skllave e SHBA’.

Ndoshta për Erdogan, një manipulim i tillë mund të kishte shkaktuar vetëm një gulçim. Ose sërish do kishte vendosur të niste një marshim ligjor.

April 18, 2016 13:32
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*