Shijak, pranga 48-vjeçarit të dënuar me 7 vjet burg

July 30, 2018 11:24

Shijak, pranga 48-vjeçarit të dënuar me 7 vjet burg

Policia ka arrestuar një person, i cili ishte shpallur në kërkim, pasi ishte dënuar me 7 vite e 10 muaj burg i akuzuar për disa vepra penale.

I arrestuari është Arben Haxhihyseni 48 vjeç, banues në Elbasan. Haxhihyseni në vitin 2014 u shpall në kërkim pasi është dënuar nga ana e Gjykatës së Shkallës së Parë Elbasan me 1 vit, 10 muaj e 15 ditë burg.

Në vitin 2017, Gjykata e Apelit për Krimet e Rënda Tiranë e ka dënuar me 6 vite burg për veprën penale “Shtrëngim me anë të kanosjes ose dhunës për dhënie pasurie e kryer në bashkëpunim” parashikuar në nenin 109/b të Kodit Penal.

Haxhihyesi është person me precedentë penalë të mëparshëm në fushën e veprave penale kundër jetës. Materialet për veprime të mëtejshme i kaluan Drejtorisë Vendore të Policisë Elbasan për ekzekutimin e vendimeve penale.

o.j/dita

July 30, 2018 11:24
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*