Shiko Hënën!

May 31, 2015 11:45

Shiko Hënën!

Arben Duka

 

 

(Lirikë)
Sa më magjeps pasqyrë e Hënës,
që gjithë Planetin pasqyron,
po sot në çdo tik-tak të zëmrës,
veç emri yt më tingëllon!

Koha trokon-po unë kam mbetur,
një romantik nga të qëmotit,
ndaj tek kjo Hënë sonte jam tretur,
si kripë e bardhë në pikë të lotit!

Shiko sot Hënën pambarim,
mund ta kundrosh ti nga çdo vënd,
që nga Ajo-portreti im,
do të shkëlqejë në syrin tënd!

Në zemrën tënde ëmbëlsisht,
ta ndiesh magjinë edhe këngën,
hape dritaren qetësisht,
vetëm ngri sytë e shiko Hënën!

Mund të të kapë pakëz trishtim,
por jo trishtim si për një hall,
një i pafundëm mallëngjim,
sepse trishtimi të sjell mall!

Veç një sekondë të shikosh,
gjith’ natën sytë s’do t’ia ndash,
edhe aspak s’do ta kuptosh,
se si nga malli do të qash!

Mua gjithmonë-në këto netë,
më turbullon Hëna e Plotë,
s’e kam kuptuar kurrë as vetë,
pse sytë më mbushen plot me lotë?!

Një lot i ëmbël që më shplodh,
ku dot s’e ndaj jetën me ëndrrën,
ndaj-moj e dashur-mos u lodh,
kur ndihesh vetëm-shiko Hënën!

Hënën e Plotë-magji e netëve,
e dua në pafundësi,
se dhe tani pas dyzet vjetëve,
kur shikoj Hënën-të shoh Ty!

Robër të saja neve mbetëm,
po më të mirë fatin s’e dua,
ndaj shiko Hënën kur je vetëm,
se do shikosh aty dhe mua!
Shënim i autorit: Brenda muajit Qershor, nën titullin e kësaj lirike (Shiko Hënën), del nga shtypi libri im më i ri me balada dhe lirika. Ky titull i ri, vjen pas titullit “Si Mona Liza”, botuar në Korrikun e vitit të kaluar.

May 31, 2015 11:45
Komento

7 Komente

  1. salem May 31, 14:00

    Beni ,si gjithnje i ri dhe me energji te pashtershme.
    Rrofsh sa malet !

    Reply to this comment
  2. GAMORI May 31, 20:11

    ILOVE JOU BENI I DASHUR E I MIRE , VJERSHAT E TUA JANE EMBELSIRE

    Reply to this comment
  3. niazi May 31, 21:18

    I Pashtershem burim-frymezimi yt…jete te gjate…bashke me familjen tuaj dhe qofsh gjithmone…i mprehte i fresket….ne krijmtarine artistike…

    Reply to this comment
  4. "BALASHI" May 31, 21:48

    Liber interesant qe e dua ne bibloteke…

    Reply to this comment
  5. ashtar June 1, 09:37

    ben duka nihilist komunist dhe llapaqen

    Reply to this comment
  6. tomorri June 1, 11:01

    ” ashtar” vetem shqiptar nuk je.

    Reply to this comment
  7. pershendetje lunxhiote June 1, 14:28

    Per ty ashtar mbetesh njeri pa energji pozitive dhe pa frymezime letrare .Ti nuk di te blesh as batutat
    bravo mjeshter ARBEN i shume poezive,te kengeve hisorike,epike te luftes e te lirikes
    lirikat e poezive te benit jane perla,qe te bejne te dashurosh cdo bukuri te jetes e te natyres dhe te vlerave njerezore qe krijohen vetem per dashurine e madhe njerezore e jo per vrer
    teksa lexoj kete lirike ,me del perpara grupi i gjirokastres me kengen
    lexoni benin dhe degjoni kengen cfare mrekullie ben folklori popull dhe arben duka me liriken SHIKO HENEN
    VARU POSH MOJ HENE
    Varu posht moj Hënë,
    hënë moj hënë.
    Unë vi po s`më lënë,
    hënë moj hënë.
    Nëna me babanë,
    hënë moj hënë.
    Më thon ku ke qënë,
    hënë moj hënë.
    Kam qënë tek një djalë,
    hënë moj hënë.
    Që do të më marrë,
    hënë moj hënë.
    Category

    Reply to this comment
Shiko komentet

Komento

Your e-mail address will not be published.
Required fields are marked*