Shkëmbimi i shekullit, Real ofron Ronaldo te PSG për Neymar?

January 14, 2018 13:20

Shkëmbimi i shekullit, Real ofron Ronaldo te PSG për Neymar?

 

Zërat e ditëve të fundit se Real Madrid kërkon të marrë me çdo kusht sulmuesin Neymar janë bërë edhe më të fortë.

Mediat spanjolle konfirmojnë se presidenti i “merengues” Florentino Perez është i magjepsur nga braziliani dhe është gati të ofrojë çdo shumë për ta sjellë atë në “Santiago Bernabeu”.

Dhe për ta realizuar këtë blerje ai është gati edhe të heqë dorë nga Cristiano Ronaldo, që mund të jetë pjesë e kësaj marrëveshje, me portugezin që do të shkojë të luajë me PSG.

Mediat spanjolle konfirmojnë se sulmuesi portugez është përmendur në një takim që palët kanë patur, duke e përdorur si pjesë të këtij shkëmbimi lojtarësh (natyrisht që PSG do të marrë edhe një shumë parash), që do të ishte vërtet i pabesueshëm.

Por ky shkëmbim do të bëhet vetëm verën e ardhshme, pasi të përfundojë Kupa e Botës.

Edhe PSG ka shprehur disa herë interes për Ronaldo, që pasi ka fituar gjithçka me Real Madrid mund të provojë një aventurë të re në karrierën e tij.

January 14, 2018 13:20
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*