Shkencëtarët e NASA-s flasin për asteroidin misterioz që ka hyrë në sistemin tonë diellor

December 13, 2017 16:44

Shkencëtarët e NASA-s flasin për asteroidin misterioz që ka hyrë në sistemin tonë diellor

 

Një asteroid misterioz ka hyrë në sistemin tonë diellor. Objekti është pagëzuar me emrin “Oumuamua” dhe studiuesit e fenomeneve hapësinore e kanë vënë nën mbikëqyrje prej disa javësh.

Trupi qiellor ka një gjatësi 400 metra e gjerësi 40 metra.

Shkencëtarët e agjencisë hapësinore amerikane NASA, e kanë krahasuar me formën e një cigareje gjigante.

“Ky objekt është thjeshtë një pjesë nga një tjetër sistem diellor që është shkëputur dhe po udhëton në hapësirë prej qindra miliona ose miliarda vite”, thotë Paul Chodas, shkencëtar Nasa-s.

Ky është i pari asteroid ndëryjor që viziton sistemin tonë diellor. Objektin po e mbikqyr mes shumë instrumenteve të NASA-s edhe një nga teleskopët më të mëdhenj në botë, Green Bank në Virxhinian Perëndimore.

“Po përpiqemi të përdorim asetet e NASA-s si teleskopi Habëll, për ta mbikëqyrur dhe për të mësuar më shumë për madhësinë dhe përbërjen”, tha Lindley Johnson, shkencëtar i Nasa-s.

Shkencëtarët duan të dinë nëse ky trup qiellor mbart me vete materiale organike, mbase edhe sinjale radioje në përpjekje për të mësuar më shumë mbi ekzistencën e formave të ndryshme të jetës në hapësirë.

Aktualisht objekti lëviz në një distancë 85 më të madhe se largësia Tokë–Hënë.

December 13, 2017 16:44
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*