Shpëton nënë e bijë nga flakët, shqiptari në Itali shndërrohet në hero

July 2, 2018 21:14

Shpëton nënë e bijë nga flakët, shqiptari në Itali shndërrohet në hero

Nertil Qato është një shqiptar i cili jeton në Itali dhe së fundmi ai po konsiderohet në shtetin fqinj si hero, pasi i ka shpëtuar jetën një nëne dhe vajzës së saj të mitur, teksa banesa e tyre ishte e përfshirë nga flakët.

Sikurse shkruajnë mediat italiane, Qato është zgjuar nga gjumi falë thirrjeve për ndihmë që vinin nga banesa ku kishte rënë zjarri. Ai ka marrë shkallën që ndodhej në pjesën e pasme të furgonit të tij dhe është ngjitur drejt banesës, ku ka shpëtuar fillimisht vajzën 14-vjeçare dhe më pas nënën e saj.

“Dëgjova një shpërthim dhe dola jashtë. Pashë banesën që ishte shembur pjesërisht, flakë dhe tym të zi. Dëgjova një thirrje për ndihmë dhe nxitova. Vendosa shkallën dhe u ngjita në katin e dytë. Aty nuk dukej gjë për shkak të tymit të zi. Por dëgjova zërin e një vajze, e mora në krahë dhe e zbrita poshtë. Më pas edhe nënën e saj.”– ka treguar shqiptari.

Për aktin kurajoz, kreu i Bashkisë së Livornos i ka dorëzuar një çmim shqiptarit dhe i ka premtuar përshpejtim të procedurave, për t’u pajisur me leje qëndrimi, madje duke i hapur edhe rrugën për të marrë shtetësinë italiane.

“Nertili ndodhet këtu prej 6 vitesh. Është njeri punëtor dhe ende nuk ka nënshtetësinë sepse ligjet parashikojnë se duhet të ketë të paktën 10 vite leje qëndrimi. Më kujtohet veprimi i presidentit francez që vendoi t’i japë shtetësinë një qytetari nga Mali, pasi shpëtoi një fëmijë. Do doja dhe unë të bëja diçka të ngjashme.”– ka thënë Filippo Nogarin.

s.a/dita

July 2, 2018 21:14
Komento

3 Komente

  1. KORÇARI July 2, 21:24

    Bravo Djalit, që shpëtoi dy jetë nga vdekja ,bota duhet të kuptojë që në Shqiptarët s’jemi vetëm Kriminelë dhe Vagabondë por jemi dhe Humanë.

    Reply to this comment
  2. Bravo Nertil... July 2, 21:58

    Te Tilla akte njerezore ,
    nderojne shqiptarin e i hap rruget e jetes vehtes se tij ,
    duke jetuar si nji qytetare i ndershem Shqiptare

    Reply to this comment
  3. Kaltra July 3, 08:55

    Djemtë si ky na bëjnë krenarë .Fjalët nuk mjaftojnë ndonjëherë për të shprehur mirënjohjen për shpëtimin e dy jetëve.Lum si nëna që të lindi dhe familja që të ka!!!!!

    Reply to this comment
Shiko komentet

Komento

Your e-mail address will not be published.
Required fields are marked*