Shqipëria e pesta në botë për naftën e shtrenjtë

March 29, 2018 09:37

Shqipëria e pesta në botë për naftën e shtrenjtë

Shqipëria renditet e pesta më e shtrenjtë në botë për sa i përket çmimit të karburanteve në krahasim me të ardhurat për frymë, pas Moldavisë, Indisë, Jordanisë dhe Marokut.

Të dhënat janë përpunuar bazuar në informacionin mbi çmimin e benzinës që jepet nga Global Price Petrol dhe të ardhurat për frymë sipas metodës së fuqisë blerëse, të Bankës Botërore. Treguesi mat përballueshmërinë, në bazë të përqindjes së të ardhurave ditore që duhet për një litër karburant.

Çmimi i benzinës, që merret për referencë nga Global Price Petrol ishte 1.68 dollarë/litër në Shqipëri, në nivele të ngjashme me shtete që kanë të ardhura për frymë shumë më të larta sesa Shqipëria, si Gjermania, Belgjika, Holanda, Danimarka, Franca, Mbretëria e Bashkuar, Norvegjia etj. Në vlerë absolute Shqipëria renditet e 23-a më e shtrenjtë në botë.

Shqiptarëve u duhen 5.3% e të ardhurave ditore për të blerë një litër karburant. Ndonëse Norvegjia, psh, ka ndër çmimet më të shtrenjta në botë të naftës në vlerë absolute (2.05 USD/litër), qytetarët e saj mund ta përballojnë fare mirë, pasi u duhen vetëm 1.3% të të ardhurave ditore për të furnizuar makinën me një karburant.

Maqedonasve dhe malazezëve u duhen 3.2% të të ardhurave ditore, serbëve 3.7%, ndërsa shtetasve të Kosovës 3.9%. Greqia e ka këtë tregues 2.6%, ndërsa Italia 1.8%, Bullgaria 2.4%.

Në Moldavi, që është më e shtrenjta në botë për karburantet, sipas fuqisë blerëse, duhen 7.3% të të ardhurave ditore për të blerë një litër karburant.

Pse e paguajmë kaq shtrenjtë naftën?

Taksat e larta që paguajmë për naftën janë arsyeja kryesore se pse Shqipëria ka çmime kaq të shtrenjta të karburanteve, ku 60% të çmimit e përbëjnë taksat.

“Monitor” krahasoi strukturën e çmimit të naftës në Shqipëri dhe Maqedoni:

Në Maqedoni, sipas të dhënave zyrtare, nafta kushton aktualisht 63 dinarë maqedonas, ose 130 lekë, ndërsa në Shqipëri nafta kushton mesatarisht rreth 170 lekë, apo rreth 30% më e shtrenjtë. Më poshtë jepet e detajuar se si formohet ky çmim:

Çmimi i blerjes në port llogaritet i ngjashëm për të dy vendet, në rreth 53 lekë për litër në Shqipëri dhe 60 lekë për litër në Maqedoni, pasi ka kosto më të larta transporti për shkak të mungesës së portit. (një ton naftë sot blihet në bursa me rreth 600 dollarë)

Në Maqedoni, taksat direkte mbi naftën janë vetëm akciza, me rreth 28 lek për litër (0.2 cent për litër) dhe TVSH, në rreth 20 lekë për litër (norma e TVSH-së në Maqedoni është 18%, ndërsa zbatohet mbi një çmim 30% më të ulët se në Shqipëri).

Ndryshe nga Shqipëria, Maqedonia nuk e ka taksën e qarkullimit të përfshirë në çmimin e naftës, por e merr direkt tek automjetet.

Në Shqipëri nafta taksohet kështu: Akciza, 37 lekë për litër; Taksa qarkullimit, 27 lekë për litër; Taksa karbonit, 3 lekë për litër. Krahas tyre, vitet e fundit në kosto janë përfshirë dhe tarifa e markimit dhe ajo e skanimit, nga 1 lekë për litër secila. TVSH totale arrin në 28 lekë për litër.

Në total, në Maqedoni taksat direkte janë rreth 48 lekë për litër dhe në Shqipëri 97 lekë për litër, pra dyfishi.

Krahas tyre, në Shqipëri është rritur ndjeshëm tarifa e rilicencimit të pikave të tregtimit të karburanteve, që sipas operatorëve llogarit një kosto shtesë prej 3-5 lekë për litër. Kosto të tjera përfshijnë tarifat për Inspektoriatin Qendror Teknik, taksë tabele, taksë reklame, amortizim etj, që duke shtuar dhe një marzh fitimi e çojnë çmimin final në rreth 170 lekë për litër, ose rreth 30% më shtrenjtë se në Maqedoni.

Taksa për rrugën Durrës-Kukës

Aktualisht qytetarët shqiptarë paguajnë rreth 120 milionë euro taksa nga qarkullimi (507 milionë litra naftë konsum vjetor me 2016 x 32 lekë taksë qarkullimi + TVSH).

Ndërkohë fondet që akordoi buxheti i shtetit për mirëmbajtjen e rrugëve në vend vitin e kaluar, duke përfshirë edhe Rrugën e Kombit ishin rreth 3 miliardë lekë ose 22 milionë euro. Kjo shumë është sa 18 për qind e taksës që u vol me 2016 nga qarkullimi dhe që ka destinacion mirëmbajtjen.

Këto fonde vlerësohen të mjaftueshme për të bërë mirëmbajtjen e të gjitha rrugëve në vend. Nga Financat nuk ka transparencë se si përdoren këto të ardhura.

Për herë të parë, Shqipëria ka nisur zbatimin e sistemit të rrugëve me pagesë, përmes dhënies me koncesion të mirëmbajtjes së segmentit Milot-Morinë, ku tarifat janë 5 euro për veturat dhe 22.5 euro për kamionët, sërish ndër më të lartat në Europë. Nga ana tjetër, juristët kanë pohuar se ato mund të ankimohen në gjykatë, për shkak se cenohet parimi kushtetues se nuk mund të paguhen më shumë se dy lloje taksash për të njëjtin funksion./Monitor

 

l.h/ dita

March 29, 2018 09:37
Komento

6 Komente

  1. spata March 29, 11:06

    Keni harruar te trajtoni dhe nje fakt tjeter shume domethenes .Cilsia e karburanteve eshte per te ven duart ne kok .Se ku qendron bloza qe del nga makinat kete asnje nuk e thot .

    Reply to this comment
  2. Kastrioti March 29, 11:43

    Kur erdhi e majta ne pushtet, na premtoj midis te tjerave edhe uljen e cmimeve te karburantit , por mbi te gjitha cilesine qe vazhdon edhe sot eshte nga me skandalozet ne bote
    populli i shkrete i besoj keto premtime, por pasi u shperndane zarfet ne zyrat e qeverise keto probleme sa shkojn e perkeqesohen

    Reply to this comment
  3. kasem gahinji March 29, 12:27

    llogje .cmimi i naftes 160 ne distribtor(ne lek)-27 taksa e qarkullimit shkon rreth 133leke:130(cmimi i euros),shkon 1.02 euro(cmimi pa takse qarkullimi.nu padova (j ne autostrade) cmmi 1,4 eure,ne autostrade 1.6 deri 1.8 euro.ne mal te zi cmimi 1.2 euro.po kaq afersisht nr bosnje(distibutori te bar restorani gjate rruges kryeore per kroaci.ne tiali taksa e qarkullimit sipas fuqise motorrike.makina 1.7 kubike e ka 206 euro ne vit.pra cmimi nuk eshte me i larti.po te shkosh te besh edhe shurren me makine atehere po,cmimi del me i larte.ne keto kushte ankohet ai qe ka tangarllik.shqetesimi per endimin tim eshte cilesia,qe 3shte mizerabel,jo e keqe.kete ti kerkojme qeverrise,jo te tolerohet kastrati se eshte taksapagues i madh per qeverine dhe ajo mbyll syte.guxo dhe spekullo me karburantin ne itali,gjermani,suedi,etj.te vene koqet ne bige,jo kastrati te jete,por dhe vete berluskoni.

    Reply to this comment
  4. mirel March 29, 14:09

    Po meqe eshte dhe shtet qe ka nafte, po ja vjedhin koncesionaret, te cilet Ramuti u shton ymrin, atehere na takon ta kemi te shtrenjte.
    Paguajme qe te jetoj mire Partia me partneret private.
    Populli mire eshte dhe pa rroga.

    Reply to this comment
  5. Arben March 29, 19:44

    Sepse jemi popull trim dhe heroik.

    Vemi nga fitorja ne fitorje

    Reply to this comment
Shiko komentet

Komento

Your e-mail address will not be published.
Required fields are marked*