Shqipëria plan emergjence për krizën e refugjatëve

October 9, 2015 09:24

Shqipëria plan emergjence për krizën e refugjatëve

Shqipëria po përgatit një plan emergjence për refugjatët, duke vlerësuar edhe kapacitetet e saj. Ministri i Jashtëm, Ditmir Bushati si dhe zv/ministrja e Brendshme Elona Gjebrea po marrin pjesë në ministerialin e BE-së për krizën e regjuatëve.

“Në kuadër të përpjekjeve kolektive për t’iu përgjigjur krizës së refugjatëve, Shqipëria ka përgatitur një plan emergjence duke vlerësuar kapacitetet ekzistuese si dhe nevojat në rast se prekemi nga ky fenomen“, ka thënë Bushati.

Ministri është shprehur se kriza përveç se humanitare është e ndërlidhur edhe me çështjen e sigurisë.

 “Kjo ndërthurje krizash sfidon aftësitë reaguese të vendeve të Ballkanit Perëndimor, si vende tranziti, por pavarësisht dyndjeve në kufijtë e tyre, vendet e rajonit kanë dëshmuar gjatë kësaj krize se i kanë qëndruar me besnikëri vlerave evropiane”, është shprehur Bushati.

Ministeriali i BE-së për krizën e refugjatëve u zhvillua në Luksemburg, ku në përfundim është miratuar me unanimitet edhe një deklaratë e përbashkët, ku përveç vendeve të BE-së përfshihet edhe Turqia, Libani dhe Jordania. /Dita/

October 9, 2015 09:24
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim