Shqiptarët në vend të parë si azilkërkues në Holandë

March 28, 2016 15:24

Shqiptarët në vend të parë si azilkërkues në Holandë

Shqiptarët përbëjnë grupin më të madh të të porsambërriturve që pretendojnë statusin e refugjatit në Holandë.

Burime nga Ministria e Brendshme holandeze i thane transmetuesit publik NOS se, përgjatë dy muajve të parë të këtij viti, 480 shtetas shqiptarë kanë kërkuar azil në këtë vend, edhe pse shanset që kërkesa t’i pranohej janë praktikisht zero.

Në të njëjtën kohë, numri i sirianëve që kanë aplikuar për statusin e refugjatit në Holandë ka rënë nga 5.000 në muaj që ishte përpara, në vetëm disa qindra.

Sidoqoftë, thotë NOS, nëse përfshihen dhe të afërmit e mbërritur për bashkime familjare, atëherë sirianët vazhdojnë të mbeten grupi më i madh në këtë kategori.

Që prej janarit 2015, vetëm 4 të ardhurve nga Shqipëria, e konsideruar vend i sigurt origjine, u është njohur e drejta e azilit. 795 të tjerëve u është refuzuar.

Zeki Shehu, i Këshillit Koordinator në Holande, tha për median në fjalë se shumë shqiptare nuk e bëjnë fare dallimin mes azilit dhe emigracionit. “Ata thjesht duan të punojnë”, u shpreh ai.

Që prej fillimit të marsit, qeveria holandeze i ka përshpejtuar procedurat e menaxhimit të kërkesave nga personat e vendeve të treta të sigurta, me qëllimin që kthimi i tyre mbrapsht të bëhet sa më shpejt.

Në janar, Holanda arriti një marrëveshje me autoritetet shqiptare për deportimin në grupe të mëdha të shtetasve të paligjshëm shqiptarë me avionë të posaçëm.

Por deri më tani, thotë NOS, fluturime të tilla nuk ka pasur. Shqiptarëve që pranojnë të kthehen vullnetarisht u jepet një biletë avioni dhe 200 euro. Këtë skemë brenda tre muajsh e kanë ndjekur 385 vetë.

March 28, 2016 15:24
Komento

3 Komente

  1. mirel March 28, 16:22

    Tani qe po nderton Parkun e Lojerave ne Tirane, mendoj qe duhet te ktheheni..

    Reply to this comment
  2. Darius March 28, 20:21

    Shqiptaret jane rreth 16 milione qe nga koha e Skenderbeut ne te gjithe boten te shperndare.

    Reply to this comment
  3. Darius March 28, 21:22

    Dita…..sa mire beni qe i shkurtoni mesazhet.
    Bravo,po une nuk jam punetori juaj qe bej komente te cilat kane qene brenda rregullave apo jo?
    Ideja ishte,boll me jo kaq azilante ketu e kaq atje,a keni ju ndonje analize mbi kete teme!?!?!

    Reply to this comment
Shiko komentet

Komento

Your e-mail address will not be published.
Required fields are marked*