Shqiptarët, rekord në Europë për orët e gjata të punës, por paguhen pak

January 17, 2018 11:40

Shqiptarët, rekord në Europë për orët e gjata të punës, por paguhen pak

 

Orë të gjata në punë? Shqiptarët, me sa duket, thyejnë rekord në Europë për qëndrimin më të gjatë në vendin e punës.

Sipas të dhënave të INSTAT, publikuar në Tregun e Punës 2016, shqiptarët punonin mesatarisht 42.9 orë në javë.

Nga përllogaritjet e “Monitor”, një shqiptar punoi mesatarisht 2231 orë në vit, më gjatë se vendet e zhvilluara të Europës.

Sipas të dhënave të fundit të përditësuara nga OECD, meksikanët punojnë më gjatë në vit, me një mesatare vjetore prej 2255 orësh, rreth 467 orë më shumë se mesatarja e të punësuarve me pagë në Amerikë.

Sipas raportit të OECD, ata paguhen më pak se një e pesta e fqinjëve amerikanë.

Në vend të tretë dhe të katërt, renditet Greqia me 2035 orë në një vit dhe Turqia me mesatarisht 1832 orë.

Më pas, renditen amerikanët, të cilët punojnë mesatarisht 1783 orë, apo 448 orë më pak se një i punësuar me pagë në Shqipëri.

Nga të dhënat e mbledhura nga vendet anëtare, OECD ka përllogaritur një mesatare vjetore prej 1764 orësh. Në krahasim me mesataren, të punësuarit me pagë në Shqipëri punojnë rreth 467 orë më shumë.

Vendet me numrin e orëve mesatare më të ulët se mesatarja e OECD janë ato të Europës Perëndimore, si Holanda me 1435 orë pune në vit, Franca me 1472 orë në vit, Zvicra me 1589 orë.

Edhe në krahasim me rajonin, ne punojmë më gjatë. Në Maqedoni, sipas të dhënave zyrtare, orët e punës vjetore janë më pak se 1900.

Të dhënat e INSTAT treguan se në vitin 2016, punonjësit shqiptarë kanë zgjatur kohën që rrinë në punë (nga 42.4 orë në 42.9 orë), ndryshe nga europianët, të cilët kanë ulur numrin e orëve të punës.

Orët e zgjatura të punës jo gjithmonë përkthehen me produktivitet në punë.

Sikurse vihet re në grafikun më poshtë, ato janë tipar i ekonomive jo shumë të zhvilluara.

Qeveritë e vendeve në zhvillim po bëjnë përpjekje, mbështetur edhe me përmirësime të kuadrit ligjor për të reduktuar orët mesatare të punëve. Punëtorët në Greqi, shpeshherë janë etiketuar si të mbipaguar, dembelë dhe të prirë për të dalë në pension më herët pas goditjes nga kriza financiare, por që këto akuza janë të pabaza.

Arsyet pse punojmë më gjatë, por nuk paguhemi shumë

Ka disa arsye pse shqiptarët punojnë me orë të gjata pune. Sindikatat në Shqipëri janë shumë të dobëta dhe respektimi i ligjit po ashtu. Kjo bën që punonjësit të rrinë në punë edhe pas përfundimit të orarit zyrtar, edhe pse nuk paguhen për orët jashtë orarit.

Në fundjavë, sidomos të shtunave, është e zakonshme që privatët të punojnë. Në pjesën më të madhe të shteteve të Europës është e zakonshme që të dielën pothuajse të gjitha dyqanet dhe njësitë e shërbimit janë të mbyllura (përveç restoranteve e bareve), ndërsa në qytetet shqiptare e diela ngjan një ditë e zakonshme, pasi përveç njerëzve që qarkullojnë më pak, dyqanet janë të gjitha të hapura deri në darkë.

Por, ndërsa rrinë me orë të gjata në punë, shqiptarët janë ndër më pak të paguarit në Europë (paga minimale është më e ulëta) dhe më pak produktivët.

Një raport i mëparshëm i Bankës Botërore gjeti se në treguesin e produktivitetit të dukshëm të punës, të matur përmes Vlerës Bruto të Shtuar (VBSH) për punonjës (prodhimit për punonjës), Shqipëria renditet e fundit në rajon.

Për vendin tonë, ky tregues është pak më shumë se 10 mijë dollarë në vitin 2015 (e matur me dollar konstantë 2010), nga gati 15 mijë dollarë që është mesatarja e gjithë Ballkanit Perëndimor, sipas një grafiku të publikuar nga Banka Botërore në raportin e fundit “Ballkani Perëndimor: Rigjallërimi i motorit të rritjes dhe prosperitetit” . Produktivitetin më të lartë e ka Kosova, me gati 18 mijë dollarë, e ndjekur nga Mali i Zi, Bosnja, Serbia, Maqedonia dhe vetëm në fund vjen Shqipëria.

Një sfidë për rajonin, thotë raporti, është që produktiviteti mesatar i punës është më pak se gjysma e niveleve të 7 vendeve të tjera të vogla në tranzicion, që janë tashmë në BE (Bullgaria, Kroacia, Estonia, Letonia, Lituania, Republika Sllovake dhe Sllovenia). Për këto vende, sipas grafikut, VBSH është mbi 30 mijë dollarë. Të dhëna të tjera të Eurostat, të konstatuara nga “Monitor”, tregojnë se në vendet e Bashkimit Europian, shifrat e prodhimit për punonjës janë shumë më të larta, duke arritur në mbi 100 mijë dollarë për sektorë të veçantë (si energjia, gazi, teknologjia e informacionit) dhe me një mesatare të Bashkimit Europian prej rreth 70 mijë dollarë.

Burimi: Monitor

January 17, 2018 11:40
Komento

4 Komente

  1. Vicens January 17, 12:24

    Shqiptaret punojne shume- marin pak !
    Punojne shume -Vjedhin shume !
    Natyrisht pronaret ! 1-Paguajne pak dhe vjedhin shtetin duke mos paguar taksat 2 – vjedhin puntorin duke e mbajtur ate gjate ne pune por kontributet ne shtet i derdhin me pak !
    Ne Shqiperi ka nje mashtrim te madh te pa pare qe ska monitor dhe instat ta kap dhe ta zgjidh kete korrupsion aq te madh !

    Reply to this comment
  2. anticensurë25642654 January 17, 12:33

    “Zvicra me 1589 orë.”
    a me të vërtetë e keni??
    në kohën kur kam jetuar unë ka qënë mbi 42 orë java!!
    por po në atë nivel ka mbetur!!
    në një artikull të der spiegel para nja tre vjetësh ata e quanin zvicrën një vënd ku punohej shumë,në krahasim me gjermaninë!!
    1589 orë pune në vit në zvicër do të thotë 33 orë në javë e ndarë në 48 javë,4 javë pushim!!
    sa për pagesën e ulët në shqipëri!!
    është e vërtetë që paguhet pak dhe janë shumë orë në ditë,diçka mbi 8 orë,por të mos harrojmë se rendimenti i puntorit në shqipëri është tmerrësisht i ulët!
    e para nga mungesa e mjeteve të përparuara teknollogjike!
    e dyta nga organizimi i keq!
    e treta nga mentaliteti idiot shqiptar se”për aq sa paguhen,shyqyr që japin këtë sasi pune”!!
    ps:në ndërtim në zvicër,nuk punohet më pak se 10 orë në ditë!!pavarsisht se normalisht me ligj dhe me sindikatë nuk duhet të kalosh 8 orshin!!pjesa tjetër shkruhet si orë jashtë orarit dhe përdoren si kompensim gjat dimrit!!
    II ps:qënje sa punohet ke ti??jep njëherë eksperiencën e freskët të austrisë!!timja nuk është më dhe aq e freskët!!kanë kaluar 10 vjet!!sot është e përjetuar thjesht me muhabet!!

    Reply to this comment
  3. Pensionisti January 17, 16:29

    Ku jane ata qe i quajne dembela shqiptaret! le t’i studiojne mire keto shifra !Kush erdhi e i ndertoi gjithe keto vepra sidomos ato para viteve ’90 ; Fabrika , kombinate , hidrocentrale , hekurudha sistemime tokash , kanale kullus e ujites , shkolla e spitale e qindra vepra te tjera te medhaja e te vogla te projektuara e te ndertuara nga shqiptaret!

    Reply to this comment
Shiko komentet

Komento

Your e-mail address will not be published.
Required fields are marked*