Shqiptari rrëfen tmerrin e zjarrit në Londër

June 14, 2017 11:28

Shqiptari rrëfen tmerrin e zjarrit në Londër

 

Një kullë banimi 24-katëshe në Londër është përfshirë nga flakët e zjarri gjatë natës, duke shkaktuar disa viktima dhe të paktën 50 të plagosur.

Një shqiptar që jeton në Londër ka rrëfyer për BBC tmerrin që ka parë. Saimir Lleshi dhe Eliane Lara jetojnë në një banesë pranë kullës rezidenciale “Grenfell” që u përfshi nga flakët.

Ata i thanë gazetares së BBC, Claire Heald, se u zgjuan rreth orës 01:30 të mëngjesit nga të bërtiturat e njerëzve të cilët kërkonin ndihmë.

“Ishte shumë shqetësuese duke dëgjuar britmat e tyre. Zjarri u përhap me shpejtësi”, thanë ata.

Saimir Lleshi dhe Eliane Lara shikonin nga banesa e tyre se si flakët e zjarrit përhapeshin me shpejtësi në kullën 24-katëshe.

Ata rrëfejnë se panë skena të tmerrshme, njerëz që përpiqeshin të dilnin nga dritaret me çarçaf.

“Fëmijët tanë u tmerruan, po mundoheshim që t’i qetësonim”, thotë Saimir Lleshi.

June 14, 2017 11:28
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*