Shtohen low cost, por Shqipëria vazhdon të ketë biletat më të shtrenjta
Nga Arkiva
Ndonëse numri i kompanive ajrore që kanë linja direkte me Shqipërinë po shtohet, përfshirë dhe ato me kosto të ulët (low cost), çmimet e biletave për të fluturuar nga Tirana drejt vendeve të ndryshme të Europës vijojnë të mbeten më të shtrenjtat në rajon, në disa raste edhe dyfish apo trefish më shumë.
“Monitor” ka krahasuar çmimet e biletave për udhëtim vajtje -ardhje rreth datave 21 dhe 27 maj për të njëjtat destinacione për nisje nga Tirana, Shkupi, Prishtina me linja të njëjta ose të ndryshme. Në përgjithësi Shqipëria ka biletat më të shtrenjta për të gjitha destinacionet, me shumë pak përjashtime. Më i liri është Shkupi, për shkak të fluturimeve të shumta direkte nga kompania low cost hungareze, e cila subvencionohet nga shteti maqedonas.
Gjermania, më e shtrenjta
Destinacioni më i shtrenjtë nga Rinasi është Gjermania, dyfish apo tre. Për në Berlin, çmimet variojnë nga 200-250 euro, me Lufthansa, Adria, Alitalia, ose Austrian (tranzit) ndërsa nga Shkupi (Wizz Air) dhe Prishtina (Eurowings) biletat janë rreth 75 euro me linja direkte, rreth një e treta sa shpenzon nëse udhëton nga Shqipëria.
Frankfurti është më i lirë nga Shkupi, me 70 euro, ndërsa është më i shtrenjtë nga Shqipëria, me gati 300 euro dhe rreth 200 euro nga Prishtina (të dyja me Adrian).
Për në Munih, nga Podgorica, me Wizz Air, një biletë vajtje ardhje për javën e fundit të majit e gjen me 100 euro, ndërsa nga Rinasi me 180-230 euro.
Budapesti më i liri
Me hyrjen e Wizz Air në rajon, Budapesti është bërë destinacioni më i lirë i arritshëm përmes avionit. Nga Kosova, rreth datave 21-26 maj, mund të gjesh një biletë vajtje ardhje me vetëm 25 euro, nga Shqipëria me 65 euro dhe nga Maqedonia me 50 euro. Nga Pordgorica është më i shtrenjtë, me gati 105 euro.
Italia, me më shumë alternative të lira
Rritja e konkurrencës ka sjellë një ulje të fluturimeve nga Shqipëria drejt Italisë. Për destinacionet drejt Italisë, më i liri është Milano me 110 euro (Fly Ernest). Për në Romë, bileta kushton 147 euro me AlItalia dhe Blue Panorama me 130 euro. Megjithatë, nga Shkupi, Roma psh është e arritshme me 86 euro.
Oslo, tre herë më e shtrenjtë se Shkupi
Pas interesit të turistëve norvegjezë për Shqipërinë, për herë të parë nga muaji qershor, do të nisin fluturimet direkte nga Tirana në Oslo me Norwegian Airlines. Biletat variojnë nga 300 euro në qershor, në 350 euro e më shumë në fund të korrikut dhe në gusht. Ndërsa nga Shkupi me Wizz Air, në maj, Oslo është e arritshme me 100 euro dhe në gusht me 240 euro.
Londra, Vjena, Parisi
Në Londër, ndonëse nga Tirana operojnë dy linja direkte (British dhe Wizz Air), bileta më e lirë është 200 euro me Wizz Air, në krahasim me 120 euro nga Maqedonia (po me Wizz Air) dhe 135 euro nga Prishtina.
Vjena, me Austrian, mbetet sërish më e shtrenjta nga Tirana, me 250 euro, nga 160 euro nga Shkupi dhe 200 euro nga Prishtina.
Për në Paris ka linja direkte nga të tre vendet, po më i liri mbetet sërish Shkupi me 108 euro, nga Prishtina 160 euro (me Germania që ka filluar fluturimet së fundmi) dhe nga Tirana (me Transavia) bileta vajtje ardhje kushton 233 euro, dyfishi i Shkupit.
s.a/dita
Nga londra ne Tirane ne korrik bileta vajtje ardhje kushton 660 pound. Vetem 2 ore e 50 minuta fluturim.
Kurse te shkosh ne australi 24 ore fluturim me te ngren me te pire kushton vetem 440 pound
Duhet te presesh bileten ne janar. E me me lire.
More po a nuk e kuptoni, qe cmimet e biletave do te jene per aq kohe te larta, sa edhe avionet pavaresisht ketyre cmimeve te vazhdojne te mbushen pothuaj plot. Kush eshte ai shites qe e ul cmimin e mallit te vet, kur ai mall i shitet plotesisht? Shqiptaret kudo qe jane nuk kursejne per te vizituar vendin dhe te afermit, por edhe nga Shqiperia eshte nje vale e madhe kerkesash per turizem dhe keshtu qe eshte e kote te presesh uljen e ketyre cmimeve. Vetem nese do te futej ndonje kompani konkurruese nga Shqiperia, qe te konkurronte hapur linjat ekzistuese, do te kishim ulje te cmimeve, pasi mesa verej une komanite ekzistuese kane bere nje pakt mes njera-tjetres. Para disa vitesh une gjeja bileta me Lufthansen vajtje-ardhje München-Tirane per vetem 99 Euro, por Lufthnsa u terhoq per te mos konkurruar aleatet e saj Austrian dhe Adria. Edhe me Adrian gjeje deri para 2 vitesh bileta per 159 Euro Frankfurt ose München-Tirane, por edhe ata i rane hilese dhe tani nuk gjen nen 200 Euro. Alitalia po ashtu i ka perkeqsuar shume lidhjet dhe cmimet, Aegean ofron cmime te volitshme deri ne Athine, por edhe ata bejne lojen e te tjereve kur vjen puna per linjen Athine-Tirane.
Shqiperia ka edhe perqindjen me te madhe te kompanive
hajdute si psh BLU PANORAMA ne te gjithe rajonin.
Bokotojini keta grabitqare bleni udhetime ne Shkup Mal te zi dhe Prishtine dhe do shihni çime shume te arsyeshme.