Shtyhet me 6 muaj kalimi me pagesë në Rrugën e Kombit

May 27, 2015 08:29

Shtyhet me 6 muaj kalimi me pagesë në Rrugën e Kombit

Rruga e Kombit me pagesë duket se, nuk do të funksionojë të paktën edhe për gjashtë muaj.

Kjo, për shkak se gara për dhënien me koncesion të mirëmbajtjes e planifikuar për tu finalizuar në këtë periudhë do të zgjatet edhe për gjashtë muaj të tjerë, raporton Monitor.

Burimet zyrtare nga Ministria e Transportit sqaruan se, me 6 prill janë hapur ofertat në garën për dhënien me koncesion të rrugës së Kombit.

Nga katër kompani pjesëmarrëse në garë janë kualifikuar dy prej tyre të cilat automatikisht përfshihen në fazën e dytë të kualifikimit e cila sipas të njëjtave burime shtrihet në pesë muajt në vijim.

Ministria e Transportit kishte planifikuar të finalizonte koncesionin herët në pranverë. Por me një urdhër të posaçëm të Ministrit u vendos që afati i dorëzimit të ofertave të shtyhej nga data 23 mars në datën 6 prill.

Ndërkohë që gara për fazën e dytë kualifikuese, nëse do të jetë e suksesshme nuk ka gjasa të mbyllet para fundit të vitit.

Dhënia me koncesion e mirëmbajtjes së rrugës së Kombit ka kaluar nëpër disa dështime për shkak se trafiku real nuk është sipas pritshmërisë që kompnitë kanë shfaqur për të kryer mirëmbajtjen.

May 27, 2015 08:29
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*