“Islamikët, agresivë me ne. Shërbimet ruse, të maskuar si humanitarë”

February 17, 2019 21:38

“Islamikët, agresivë me ne. Shërbimet ruse, të maskuar si humanitarë”

Kosova po ndjek rrugën drejt anëtarësimit në NATO dhe BE, por sfidat e saj kryesore burojnë nga agresioni rus dhe terrorizmi në përgjithësi – ka deklaruar kryeministri i Kosovës, Ramush Haradinaj në një intervistë të dhënë për mediat amerikane.

Ajo që e quajmë agjendë talebane apo islamike, ishte shumë agresive ndaj nesh. Por gjithashtu rusët janë shumë agresivë. Ata e bazojnë pjesën më të madhe të aktiviteteve të tyre nga Serbia, ata kanë 3 mijë monitorues të tyre që i quajnë humanitarë në Serbi, shumica prej tyre janë në të vërtetë anëtarë të shërbimeve të sigurisë, shërbimeve të sigurisë ruse. Por ne kemi detyrat tona të shtëpisë dhe nuk jemi vetëm. Ne punojmë në partneritet të ngushtë me ShBA-të dhe aleatët e tjerë, kryesisht aleatë të NATO-s”, ka thënë Haradinaj për CNBC, në Munih.

Ai nuk ka komentuar dhurimin e disa avionëve luftarakë nga Rusia për shtetin serb, shtet ky që vazhdon të mos e njohë shtetësinë e Kosovës.

Haradinaj ka ripërsëritur se është koha për një marrëveshje në mes dy vendeve, që sipas tij është në interes të Kosovës dhe Serbisë, përcjell Klankosova.

Mirëpresim bashkëpunimin e Washington-it, shpresojmë se do të kemi përkrahjen e njëjtë edhe nga vendet tjera dhe pas anëtarësimit të Maqedonisë në NATO, besoj se tani është koha jonë”.

I pari i Qeverisë së Kosovës është pyetur se sa përkrahës është presidenti amerikan, Donald Trump, për arritjen e një marrëveshjeje Kosovë-Serbi, duke u përgjigjur se Trump po ofron përkrahje e cila është shumë e dobishme për vendin dhe gjithë rajonin.

Haradinaj për CNBC tha se përkrahja në drejtim të Kosovës nuk ka munguar që nga vitet e 90-ta, por që tani ka tjetër qasje, pra ka të bëjë me stabilitetin dhe arritjet shtetërore bashkë me të gjithë aleatët ndërkombëtarë.

Kur bëhet fjalë për luftimin e terrorizmit, mendoj se jemi një partner i mirë në adresimet e duhura”, ka përfunduar Haradinaj intervistën e dhënë për CNBC gjatë qëndrimit të tij në Munih.

v.l/ Dita

February 17, 2019 21:38
Komento

2 Komente

  1. Flliqhanat e Kosoves dhe te Shqipnies February 18, 10:26

    Korrupsjonin ne Kosove dhe Shqiperi a kane pru ISIS si ty, Islamik si ty o Gjokovic. Lopa ban MOOOOOOOOO

    Reply to this comment
    • Mollosi February 18, 11:14

      Perse ofendon ore idiot? Z. Haradinaj e tha shume qarte qe te paret e tij kishin mbiemrin Gjokaj. Nese ty te pelqen ajo prapashtesa sllave viq, venja mbiemrit tend e mos u merr me te tjere.

      Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim