Si të ndryshosh monedhën e kredisë

April 7, 2018 16:14

Si të ndryshosh monedhën e kredisë

Që nga data 1 Qershor, konsumatorët që kanë një kredi në monedhë ndryshe nga ajo që merr të ardhurat, kanë të drejtë të kërkojnë ndryshimin e saj në bankën që kanë dhënë huan.

Banka e Shqipërisë ka miratuar një rregullore të re, ku çdo qytetar, që ka kredi konsumatore apo me kolateral, mund të kërkojë ndryshimin e monedhës.

Në rast se keni një kredi në Euro por paga mujore është në Lekë, atëherë keni të drejtë të ndryshoni kredinë në monedhën që merrni rrogën. E njëjta gjë do të vlejë edhe për kreditë që janë në Dollarë apo në Lekë.

Banka Qendrore sqaron se, kursi i këmbimit për monedhën që do të ndryshohet merret si referencë në ditën që kryhet konvertimi i kredisë, ndërsa norma e interesit do të përcaktohet mes palëve që bëjnë ndryshimet në kontratë.

“Kursi i këmbimit me të cilin do të realizohet konvertimi i monedhës së kredisë, do të jetë kursi zyrtar i bankës në ditën që kryhet konvertimi, nëse nuk përcaktohet ndryshe në kontratë. Ndërsa norma e interesit në këtë rast pas konvertimit, do të përcaktohet si gjithnjë në marrëveshje midis palëve në kontratën e kredisë ose në ndryshimet apo shtesat e saj.”

Rregullorja detyron tashmë edhe bankat që të japin informacion për klientët, të cilët marrin kredi në monedhë të ndryshme nga ajo që kanë të ardhurat.

Kjo nismë është pjesë e paketës së deurizimit, dhe synon uljen e stokut së kredisë në euro.

s.a/dita

April 7, 2018 16:14
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*