Skandali në portin e Durrësit, gjyqtarja refuzoi arrestimin e zyrtarëve

May 30, 2018 19:21

Skandali në portin e Durrësit, gjyqtarja refuzoi arrestimin e zyrtarëve

Dëmi ekonomik i shkaktuar me disa tenderë për blerjen e mjeteve çon nën akuzë ish-drejtorin e Autoritetit Portual Durrës dhe 9 vartësit e tij, anëtarë të komisionit dhe të sektorëve përgjegjës për procedurat e tenderimit dhe vlerësimit të ofertave.

Drejtoria Hetimore Qendrore në Policinë e Shtetit dhe Sektori për Hetimin e Krimit Ekonomik e Financiar në Policinë e Durrësit, në bashkëpunim me Prokurorinë e Rrethit, në funksion të procedimit për veprën penale të shpërdorimit të detyrës dhe shkelje e barazisë në tendera, kanë ekzekutuar 10 vendime të Gjykatës së Durrësit, për zyrtarë apo ish-zyrtarë të Autoritetit Portual.

Prokuroria kërkoi arrestimin e 5 prej zyrtarëve të dyshuar dhe masën “arrest me bug”, por gjyqtarja e çështjes, Eda Kaja, nuk pranoi dhe hodhi poshtë masat e arrestit për këtë grup zyrtarësh, me në krye ish-drejtorin Aleksandër Lipivani, shkruan Dita.

Aleksander Lipivani

Gjyqtarja pasi vlerësoi masat, vendosi vetëm “detyrim paraqitjeje” për të dyshuarit. Vendimi është marrë nga e njëjta gjyqtare që pak muaj më parë liroi nga qelia turkun Muhammet Yasir Aydogmus, 41 vjeç, që u kap pa dokumente të rregullta dhe kërkohej si terrorist nga drejtësia e Turqisë.

Por ndërsa u kërkua ekstradimi i tij pas arrestimit më 11 tetor 2017, gjyqtarja Kaja vendosi “detyrim paraqitje”, kundrejt garancisë bankare.

Ky procedim erdhi pas kontrollit që kishte bërë Ministria e Energjetikës dhe Trasportit, ku rezultonin me shkelje dhe shpërdorime të ligjeve në tendera etj. Konkretisht janë gjetur shkelje në tenderin e blerjes së një automjeti, një ambulance dhe një zjarrfikëseje për nevojat e portit.

Të proceduarit janë përveç ish-drejtorit 42-vjeçar Lipivani, edhe S.T., 58 vjeç, ekonomist në Drejtorinë Ekonomike, N.H., 61 vjeç, inxhinier mekanik në Sektorin Operativ dhe Mjeteve Teknike, L.K., 51 vjeçe, ekonomiste në Sektorin e Terminalit Perëndimor, E.K., 33 vjeç, jurist në Sektorin e Prokurimeve Publike, J. R., 35 vjeçe, juriste në Sektorin e Prokurimeve Publike, A.M., 53 vjeç, ish-jurist në Sektorin e Prokurimeve Publike, A.K., 36 vjeç, drejtor i Drejtorisë së Burimeve Njerëzore, Sh.Xh., 55 vjeç, ish-Zëvëndësdrejtor i Forcës së Sigurisë dhe Y. K., 66 vjeç, ish-specialist i blerjeve të vogla në Sektorin e Prokurimeve Publike. Për zyrtarët ende në detyrë është marrë vetëm masa e pezullimit nga detyra, por do hetohen në gjendje të lirë.

“Ekspertimi i kryer në lidhje me ofertat e paraqitura për 3 lote të tenderit, ka dokumentuar se ofertat nuk ishin të rregullta dhe janë hartuar nga i njëjti operator ekonomik. Ndërsa në lotet për blerjen e mjeteve auto-ambulancë dhe zjarrfikës, rezulton se mungojnë pajisjet shtesë dhe shpëtuese kundër zjarrit. Hetimi ka provuar gjithashtu se kërkesa për këto mjete ishte e pa-argumentuar, nisur nga domosdoshmëria për to.

Gjithashtu është dokumentuar se nuk ishte kompetencë e këtyre Drejtorive, përcaktimi i fondit për blerjen e automjeteve, fakt që ngarkon me përgjegjësi titullarin i institucionit”, thuhet në dosjen penale.
a.q/dita

 

May 30, 2018 19:21
Komento

4 Komente

  1. 123 May 30, 20:02

    Vendim shume i drejte. I lumte.

    Reply to this comment
  2. Fat man May 30, 20:07

    Te gjitha pislliqet dhe zhulet i morem vesh, po pse Prokuroria nuk leshon Urdher0-Arresti per kodoshen gjyqtare Eda Kaja?
    Rasti i kesaj gjyqtare te shikohet qe a vepron si grup i strukturuar kriminal duke bere “favore” turkut te kerkuar nga Interpoli dhe refuzimi kategorik per burgosjen e ketyre hajduteve ordinere.
    E ka trashur shume zullumin do ta kete bere xhepin ne madhesine e thesit, e pangopur, me burg dhe me konfiskim pasurie lahen kedo kodoshlleqe qe ka bere kjo palo gjyqtare.

    Reply to this comment
  3. H May 31, 06:29

    Me keto gjykata kerkoni të hyni ne evrope ju more, u pika që s”ju bie.

    Reply to this comment
  4. Ana May 31, 09:10

    Kudo qe ishte LSI- ka patur korrupsion!

    Reply to this comment
Shiko komentet

Komento

Your e-mail address will not be published.
Required fields are marked*