Nis fushata zgjedhore në Dibër

May 15, 2016 09:49

Nis fushata zgjedhore në Dibër

Pas shkarkimit të kryetarit të Bashkisë së Dibrës, Partia Socialiste dhe Partia Demokratike kanë nisur fushatën në këtë qytet për zgjedhjet e reja të pjesshme që do të realizohen. Ministri i Energjetikës, Damian Gjiknuri, në cilësinë e koordinatorit të PSsë në qarkun e Dibrës ishte dje në takim me strukturat lokale të partisë.

Ndërsa Partia Demokratike përfaqësohet me Edi Palokën, i cili ka mbledhur strukturat e opozitës në këtë njësi administrative. Sipas Kodit Zgjedhor, neni 10, që parashikon rastet e ndërprerjes së parakohshme të mandatit të kryetarit të bashkisë, thotë se zgjedhjet e ardhshme të realizohen jo më parë se 30 ditë dhe jo më vonë se 45 ditë. Kreu shtetit duhet të dekretojë datën e re të zgjedhjeve të pjesshme brenda 48-orëve nga vendimi i qeverisë.

Fushata Gjatë takimit të Gjiknurit me strukturat e PS-së në Bashkinë Dibër u mor në shqyrtim skandali seksual i ish-kryebashkiakut Shukri Xhelili. Gjiknuri tha se PS-ja distancohet nga Xhelili dhe se duhet ndarë individi nga partia. “Njëzëri distancohen nga veprimet e kryetarit të Bashkisë Dibër, tashmë të shkarkuar nga detyra prej qeverisë. Janë veprime që nuk përfaqësojnë moralin e Partisë Socialiste. PS-ja është e fortë dhe patjetër do ta kalojë edhe këtë ngjarje, raporton panorama.

Është shumë me rëndësi të ndahet çështja e individit Shukri nga Partia Socialiste, ajo parti e cila e fitoi bashkinë për shkak të mbështetjes së të gjithë dibranëve. Qeveria shqiptare do t’u qëndrojë pranë dibranëve për të gjitha projektet e rëndësishme që ne kemi filluar”, u shpreh Gjiknuri. Ministri i bëjë thirrje Prokurorisë t’i shkojë ngjarjes nga fillimi në fund.

“Qytetarëve të Dibrës iu kërkojmë ndjesë, por njëkohësisht iu bëjmë thirrje që të ndajnë Partinë Socialiste nga sjelljet e individit që nuk përfaqësojnë moralin e kësaj partie”, tha ai. Ndërkohë që, nga ana tjetër, kreu i Grupit Parlamentar të Partisë Demokratike, Edi Paloka, deklaroi e cilësoi të turpshme video-skandalin me ish-kreun e Bashkisë së Dibrës, Shukri Xhelili.

May 15, 2016 09:49
Komento

1 Koment

  1. Artemisa May 15, 13:17

    Kete radhe socialistet dibrane te votojne prape per PS, por kandidatit me pare duhet t’i kontrollojne breket per t’u siguruar qe jane pa vrime.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*