Skandali: Në vitet 1992-1996 janë zhdukur rreth 150 mijë armë trofe

October 9, 2017 13:31

Skandali: Në vitet 1992-1996 janë zhdukur rreth 150 mijë armë trofe

Ndër mëkatet e shumta të qeverisjes që parapriu shkatërrimin e shtetit dhe trazirat e vitit 1997, është dhe skandali i ‘zhdukjes’ së armëve trofe, të cilat me një urdhër të veçantë të Ministrit të Brendshëm, iu hoqën veteranëve apo u morën nga muzetë dhe u magazinuan në një mjedis të veçantë të Ministrisë.

Sipas disa statistikave të përafërta nga Ministria e Brendshme, të botuara nga DITA bëhet fjalë për rreth 150 mijë armë trofe.

Kjo përbën jo vetëm dëm të konsiderueshëm ekonomik, por me shitjen e trafikimin e armëve trofe, shumica, unikale e të prodhuar dekada apo shekuj më parë, u zhdukën vlera të rëndësishme të kulturës kombëtare.

Grumbullimi i të gjitha armëve trofe që ishin të shpërndara e të evidentuara në popull nisi në vitin 1992, me urdhër të  veçantë të Ministrisë së Brendshme,

Në bazë të këtij urdhri, u tërhoqën nga magazinat e ushtrisë e policisë të gjitha armët e këtij lloj dhe u grumbulluan në qendër, në Tiranë.

Pjesa dërmuese e tyre, sipas statistikave, ishin në pronësi të ish-luftëtarëve të Luftës së Dytë Botërore.

Specialistë të armatim-municioneve pohojnë se u grumbulluan rreth 15 mijë armë trofe.

Grumbullimi i tyre, në të shumtën e rasteve i konceptuar si hakmarrje ndaj “partizanëve” apo “komunistëve”, solli dhe reagim nga mbajtësit e armëve trofe.  Jo pak prej tyre, duke këmbëngulur ti mbanin këto armë që i kishin me lejë, përfunduan në polici.

Por, armët me dorëzim vullnetar dhe me detyrim u mblodhën.

Historia e kolonelit zviceran

Interesi për to qe i menjëhershëm si nga “gjahtarë” vendas të relikeve, ashtu dhe nga të huaj që vinin në Shqipëri dhe e mësuan këtë fakt.

Sot, është e pamundur të gjenden gjurmët se ku përfunduan këto armë, ndërkohë që thuhet se disa nga armët relike kërkoheshin me çmime nga disa qindra në disa mijëra dollarë copa.

Një specialist i armatimit që u mor me administrimin e armëve trofe, thotë për DITA një detaj interesant që lidhet me kohën kur këto armë magazinoheshin:

“Midis të tjerëve, vjen dhe interesohet dhe një kolonel nga Zvicra i ardhur në Shqipëri në kuadër të misioneve Ndërkombëtare për trajnimin e kuadrove ushtarakë e policorë. Me shikimin e parë i vajti syri tek një pistoletë me një dorezë të bukur sermi. E mori në duar dhe e vëzhgoi gjatë. Pistoleta trofe ishte e markës italiane, prodhim i vitit 1826 dhe mbi të ishte shkruar ´Dhuratë e Viktor Emanuelit për oficerin e xhandarmërisë shqiptare…..`.

Mori një leckë të cilën e lagu në vajguri dhe nisi ta pastrojë. Kur konstatoi se ajo kishte një vrimë në tytë, u habit dhe u drejtua:

– Po pse ja keni shpuar këtë vrimë pistoletës?

– Është luftarake, e meqë ishte në muze, ja kemi shpura që të mos e marrin e ta përdorin- i thamë.

–Po pse nuk keni roje ju në muze!!- vazhdoi ai.

– A e dini sa kushton një pistoletë relike me këtë vit prodhimi?- na u drejtua pas pak. Shikuam njeri-tjetrin (ishim tre shqiptarë aty), pa ditur se çfarë ti thonim. – Një e tillë është blerë në Afrikë 140 mijë dollarë, na tha koloneli zviceran”- tregon specialisti jonë i armatimit.

Ku janë sot armët trofe që ju morën veteranëve të luftës? Ku janë qindra armë relike që u zhdukën nga muzetë e shumë rretheve të vendit?

Këto pyetje u bashkohen pyetjeve të shumta pa përgjigje të të ashtuquajturit “tranzicioni shqiptar”.

Dita

 

October 9, 2017 13:31
Komento

7 Komente

  1. Shqip October 9, 13:59

    Pyesni Salic beric dhe alehandser meksias

    Reply to this comment
  2. A. October 9, 14:12

    Shqiperia e ndertuar me mundim dhe sakrifica eshte shitur me cika nga kriminelet nga pinjollet “anti-komunist” qe erdhen ne pushtet. Zot i mallkofte te gjithe ata qe jane pasuruar me djersen e ketij kombi te vuajtur.

    Reply to this comment
  3. Dhimbia e madhe Popull October 9, 14:55

    E morem vesh po;- kush pergjigjet per to?!
    Nxirjani koken hajdit te Armeve sa gjithe ekonomise shqiptare. !
    Dhimbia e madhe popull.

    Reply to this comment
  4. Pensionisti October 9, 16:23

    Artikullshkrusi nuk ka pse ben pyetje se ku shkuan armet kur ne te njejten kohe shkruan se me urdher te ministrit te brendshem ato u grumbulluan ne nji magazine ; atehere qenka e qarte ;ministri dihet ,kryeministri dhe presidenti po e po ,atehere kerkoni magazinierin,qe mund te kete qene Vehbi Alimuca qe u be bos i fajdeve ,me sa duket duke
    shitur keto arme!?

    Reply to this comment
  5. Epo kjo pune! October 9, 19:02

    te gjitha fijet te haleja e UDB te cojne… po kakaris akoma ne parlament dhe u ben karshillek shqiptareve… a do i vi rradha dhe atij te behet banor burgu se keshtu edhe te shkaterroje breza te tere edhe te shese pordhe prape, nuk shkon.

    Reply to this comment
  6. Erjoni October 9, 21:03

    Mjaftoni te shikoni breket e lluksit te Karmines apo piercinget e supermbeses me tatuazhe.

    Reply to this comment
  7. alphade October 10, 07:44

    Vicidolasi shkaterroi cdo gje: shtet,pushtet,art, ekonomi,
    kulture,gjithecka qe ekzistonte e ruhej ne Shqiperi. Mall-
    llkim,mallkim,mallkim.

    Reply to this comment
Shiko komentet

Komento

Your e-mail address will not be published.
Required fields are marked*