Soros financon përpjekjet anti “Brexit”

February 8, 2018 15:33

Soros financon përpjekjet anti “Brexit”

Grupimi që po lufton për ta mbajtur Mbretërinë e Bashkuar në bllokun europian ka marrë 400 mijë paund prej George Sorosit.

Donacionin e tij për fushatën “Best of Britain”, investitori miliarder e bëri përmes njërit prej fondacioneve të veta.

E përditshmja “Daily Telegraph” sqaron se grupi do ta nisë më vonë gjatë muajit publicitetin për tërheqjen e opinionit publik dhe për t’i nxitur ligjvënësit të votojnë kundër marrëveshjes përfundimtare të largimit nga Bashkimi Europian.

Ndihma e Sorosit ishte e mirëpritur, apo më saktë e çmuar, siç e përshkruan drejtuesi i kësaj fushate, Lord Malloch-Broën, por donatorët e vegjël, sipas ish-ministrit laburist kanë kontribuar edhe më shumë.

Sorosi, një shtetas amerikan i lindur në Hungari, bëri mjaft para në vitin 1992 duke vënë bast kundër paundit britanik në të ashtuquajturën “e mërkura e zezë”, gjë që detyroi kryeministrin e atëhershëm John Major ta hiqte monedhën britanike nga mekanizmi europian i kursit të këmbimit.

Miliarderi filantrop e ka lënë edhe më parë të kuptohet se cili është qëndrimi i tij lidhur me “Brexit”-in, përmes pohimeve se është e mundur që Britania të aplikojë për ribashkim me BE-në shumë shpejt pas referendumit të shkëputjes./e.k/dita

February 8, 2018 15:33
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*