Stanishev, apel PS e LSI për bashkim: Rama e Meta të tejkalojnë diferencat

Muhamed Veliu/TCH March 30, 2013 20:37

Stanishev, apel PS e LSI për bashkim: Rama e Meta të tejkalojnë diferencat

Kur partitë politike shqiptare janë përfshirë nga ethet elektorale, socialistët europianë lëshojnë mesazhe të forta për bashkimin e së majtës në Shqipëri. Presidenti Partive Socialiste Europiane, Sergei Stanishev dërgon një apel të fortë për Edi Ramën dhe Ilir Metën, që të fitojnë zgjedhjet së bashku.

Presioni i të majtëve europianë shtohet edhe më shumë kur Stanishev nuk nguron të këshillojë Ramën dhe Metën që të tejkalojnë diferencat e shfaqura ndër vite, kjo në emër të fitores së të majtës shqiptare.
Shqipëria do të mbajë zgjedhje më 23 qershor. Partitë e majta mund të shkojnë të ndara në këto zgjedhje. Si president i PES, çfarë do t’u sugjeronit partive të majta shqiptare?

Po ndjekim nga afër situatën në Shqipëri. Kemi qenë me mision së bashku me miq të tjerë të Internacionales. Së shpejti do të bëjmë një konferencë për çështjet e integrimit. Bashkimi është fjala kryesore për zgjedhjet. E di që situata ekonomike e sociale është e rëndë, papunësia është 17%, të papunë janë 1 milion shqiptarë, pa të ardhme, pa para për familjet e tyre. Është misioni më i madh për forcat progresive të Shqipërisë të bashkohen e të propozojnë një alternativë ekonomike e vlefshme për perspektiven e vendit. Dy partitë kryesore të së majtës, PS e Ramës dhe LSI e Metës, duhet të lënë mënjanë vizionet e vjetra e të bashkohen në emër të perspektivës së re progresiste.

TCH: Edi Rama po drejton Partinë Socialiste që prej 8 vjetësh, Meta 4 vjet në pushtet me qeverinë, si mund t’u kalojnë këto diferenca në prag të zgjedhjeve, kur dihet mirë që bashkëpunimi i këtyre dy partive është njësoj me fitoren e zgjedhjeve të ardhshme?

Stanishev: Me urtësi, me respektin e përbashkët dhe gjënë më të madhe që mund t’i bashkojë dy partitë dhe dy liderët: E ardhmja e vendit! Është në duart e tyre, duhet të marrin përsipër përgjegjësitë që kanë për vendin. 8 vjet qeverisje nga Berisha janë mjaft, më tepër se mjaft. Unë besoj se shumica e shqiptarëve duan një perspektivë të re, duan ndryshim dhe ky ndryshim mund të ofrohet përmes bashkimit dhe bashkëpunimit të dy partive më të mëdha të së mjatës; PS dhe LSI.

TCH: Ju jeni një mik edhe i Ramës edhe i Metës, çfarë do t’i sugjeronit Metës në fazën finale të marrjes së vendimit mbi negociatat e formimit të koalicionit?

Stanishev:
Të dy liderët i respektoj vërtet shumë, ashtu si dhe kolegët e tjerë të mi në familjen e Internacionales Socialiste. Në Kongresin e vitit 2012 ata ishin të dy të ftuar dhe patëm bashkëbisedime mjaft të mira dhe mesazhi që unë u përcolla të dyve në emër të familjes socialiste ishte: Bashkëpunoni! Lini mënjanë ndarjet! Keni një mision të madh për popullin dhe vendin. Besoj se të dy janë të matur dhe me eksperiencë, si në qeveri ashtu edhe në opozitë, ndaj mendoj se do t’i gjejnë mënyrat për të bashkëpunuar me urtësi dhe qartësi mbi atë që vendi ka nevojë. Kjo është kryesorja, sepse politika nuk është për veten, nuk është për pushtetin, por është për të bërë gjëra për njerëzit; rritje ekonomike, më shumë punë, investime, infrastukrurë, konkurrueshmëri dhe drejtësi sociale. Unë mendoj që të majtët kanë ide vërtet shumë të arsyeshme e të mira për ekonominë, si të kthejnë drejtësinë dhe solidaritetin në shoqëri, përfshirë taksën progresive mbi të ardhurat, si dhe të përmirësojnë situatën në lidhje me biznesin në Shqipëri. Gjithashtu është e rëndësishme të mbahet mend se familja eurosocialiste mbështet perspektivën euriopiane të Shqipërisë dhe që ne do të punojmë së bashku në të ardhmen për integrimin e Shqipërisë, pasi qeveria e Sali Berishës nuk arriti dot t’i siguronte integrimin vendit, që është një arsye më shumë për ndryshimin e qeverisjes, dhe kjo në të mirë të vendit.

TCH: Çfarë do t’i sugjeronit zoti Rama, teksa jo pak mbeshtetes te tij e konsiderojne si te papranueshem bashkëpunimin ose koalicionin me LSI-në?

Stanishev: Politika është një profesion i vështirë. Sigurisht që kemi patur në të shkuarën momente në partinë time, në familjen time, ku forcat kanë patur pozicione të ndryshme. Por ka gjëra që janë më të mëdha se e shkuara, kjo është e ardhmja! Ju keni përgjegjësinë dhe besoj se Edi Rama e kupton këtë. Nëse Partia Socialiste punon së bashku me Lëvizjen Socialiste për Integrim, kjo siguron shanse më të mira për ndryshim më të madh në vend. Problemet individuale, ndasitë, konfliktet, duhet të lihen pas.

TCH: Kush është apeli juaj për mbështetësit e të dyja partive?

Stanishev: Do u bëja një pyetje, a e doni ndryshimin për vendin? A doni një jetë më të mirë, ekonomi më të mirë, drejtesi, zbatim të ligjit dhe integrim? I doni? Bëhuni bashkë!

Muhamed Veliu/TCH March 30, 2013 20:37
Komento

8 Komente

  1. vetetima March 30, 20:51

    Zoti Stanishev meqe ju e doni te bashkuar te majten shqiptare pse nuk i propozoni Ilirit te dale nga kualicioni kriminal dhe te rezoje qeverine para zgjedhjeve? Apo kini marre ndonje kest te mire nga koklopa. Bashkim me lsi eshte humbje e sigurte e zgjedhjeve. Zoti Rama mos degjoni zagaret evropiane por mbeshtetu tek amerikanet se kete rradhe nuk e duan shpellarin

    Reply to this comment
  2. Gava March 30, 20:57

    E more Stanishev vellai, mire e keni Ju… Por ketu , nuk eshte si tek Ju! Nuk eshte me i majte ky Iliri…I eshte qasur shtrenguar qeneres.Nuk e ke pare sa eshte fryre?Ka permasa katrore tani.E mbaroi integrimin, ne te gjitha versionet e poshtersive….

    Reply to this comment
  3. LORA March 30, 21:24

    Republka e ambasadoreve qenka vene ne alarm,se shqiptaret po zgjohen dhe ka te ngjare tua djegin pazaret tejet te frytshme 23 vjecare, mbi kurrizin e xhepat e tyre tashme te shqyera.
    Na paskan zgjedhur Stanishevin,si kumbarin e ri te ruajtjes se statukuose se kuserimit ,te poshterimit,te krimit palimit,,,,,,,te mosndeshkimit per cdo zullum qe e duan ta imunizojne (in advance) me marreveshje te “re” te nje avazi te vjeter.
    Nese Rama ua kerkon voten shqiptareve per hesapet e Stanishev-eve,,,,,,,prapa diellit vafte!
    Nese Rama e merr koktulin ne koalicion,i merr te keqen votes time.

    Reply to this comment
  4. petri çuni March 30, 21:37

    Daun-i eshte i rrezikshem. Mbi te gjitha eshte gabimi i natyres. Une jam shume e fyer qe e kam pasur Kryeminister per aq kohe sa ka qene dhe jam tmerresisht e lemerisur qe ai trejtohet si nje nje politikan, madje sikur ado “diferencat ” jane çeshtje te vgla. Po ai eshte nje kriminel, nje kryemafioz, ai duhet perzene dhe dyhet vene ne banken e te akuzuarve. Sa shqiptar sot jane te lenduar prej familjes se tij, sa njerez ka shkaterruar ky monster me strukturen e shikut ne bashkepunim. Jemi bere si ne Palermo nuk kemi ku denoncojme jo se kemi frike te denoncojme.

    Reply to this comment
  5. Zhani March 30, 21:40

    Le te jemi pragmatiste.Rexoni Berishen me pare.Le te dale Meta nga koalicioni te hyjme ne zgjedhje pa Berishen kryeminister,te behen zgjedhje te lira dhe te ndershme dhe pastaj le te fitoje kush votohet nga populli.pra JO koalicion me PS-LSI por zgjedhje te standarteve nderkombetare pa qeverine e Sales dhe Metes.Populli po i votoi Meten apo Berishen “ne qafe pacin vehten”.Dihet qe Meta- Berisha jane kanceri i Shqiperise dhe Sala do te beje punen e “Buallit” do te futet me koke.

    Reply to this comment
  6. ELTONI USA March 30, 21:41

    Pse akoma se keni marre vesh ju o komuniste qe edhe kete 4 vjecar jeni ne opozite .Sju ben derman tanime asnje koalicion kot lodheni.O harrova 3O partite me 3O votues ato do tua shtojne votat.

    Reply to this comment
  7. lutfi March 30, 23:12

    O re ti Stanishlesh , perse nuk i thua atij mikut tend Ilir paterices qe te dali nga kualicioni qeveritar , sepse do te kishte vertet impakt pozitive dhe do tja rriste pak reputacionin ne popullin opozitar. K eshtu do shkonim ne zgjedhje te parakoheshme e vertiktin do e vendoste populli. Por dihet se ne ato zgjedhje Ilir koklopa sdo te kishte mundesin te ish as ne parlament e jo me ” paterice ” e ndokujt per te qene ne qeveri. Prandaj ti i dashur mos bej kodoshin per ILIRIN sepse keshtu nuk ndihmon te majten shqiptare . Ti me kete keshille vetem e shkaterron . Esht qari i Sali Berishes po te degjuan TY .

    Reply to this comment
  8. luan March 30, 23:39

    Meta e ka vendin ne burg jo ne politike.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim