Stop korrupsionit! Protesta masive në Rumani

January 21, 2018 09:40

Stop korrupsionit! Protesta masive në Rumani

Megjithë të ftohtin dhe reshjet e dëborës në kryeqytetin rumun, Bukuresht demonstruan rreth 100.000 vetë për pavarësinë e drejtësisë.

AC/DC dhe Andrei Rieu ia kanë dalë të mbushnin me koncertet e tyre në sheshin e madh “Piata Constitutiei” në Bukuresht, me rreth 60.000 vetë. Por protesta masive të shtunën solli edhe më shumë njerëz në këtë shesh e në bulevardin që të çon drejt “Pallatit të Popullit”, ndërtesa e parlamentit të sotëm rumun. 100.000 vetë dolën në rrugë.

450 kilometra në këmbë

Dhjetë prej këtyre demonstruesve nuk dalloheshin me grumbullit të njerëzve të shtunën, por ata kanë qenë në qendër të vëmendjes së shtypit në ditët e shkuara. Ata kanë ardhur me këmbë nga qyteti Cluj në Transilvani në kryeqytet. Sorin Bobis, i cili e ka organizuar këtë demonstratë tha në mbrëmjen para protestave. “Kur njerëzit bëjnë 450 kilometra me këmbë që t’u dëgjohet zëri, për të shprehur pakënaqësinë e tyre me qeverinë, do të ketë edhe disa mijëra bukureshtas të tjerë që do të ndërpresin aktivitetet e fundjavës për të protestuar.”

Rumänien Proteste in Bukarest (DW/C. Stefanescu)

Në të vërtetë erdhën më shumë vetë se në fillim të protestave, në dhjetor. Qeveria e drejtuar nga partia PSD në kohë rekord ndërmori atëherë vendime që e vënë në pikëpyetje pavarësinë e sistemit të drejtësisë. Mes këtyre vendimeve edhe atë që parasheh që të dyshuarit të jenë prezentë, kur të merren në pyetje viktimat, kontrollet mund të bëhen vetëm pas njoftimit të dërguar më parë tek personat e prekur, provat e videove mund të shpallen të pavlefshme dhe paraburgimi në raste akuzash korrupsioni do të bejrë si masë. Madje mes deputetëve me probleme juridike diskutohet mundësia, që abuzimi me postintë mos shihet si vepër penale, nëse nuk tejkalohet një kufi financiar i caktuar. Kjo ka ndezur zemërimin e njerëzve.

Parulla në dy gjuhë

Shumë vetë kanë ardhur nga zona, ku jeton pakica hungareze. Megjithëse ka tensione për shkak të kërkesave për pavarësi në këtë rajon, dallimet kulturore apo gjuhësore nuk luajtën ndonjë rol në protesta. Peter Ecksetin-Kovacs, përfaqësues i partisë së Pakicës hungareze në Rumani (UDMR) ka marrë me vete në Bukuresht të gjithë ata që donin të protestonin, madje me parulla në dy gjuhë. “Ne duam drejtësi, gënjeshtarët nuk duhet të ulen tek levat e pushtetit”, thotë ai. Kovacs është një nga politikanët e pakët që ishin mes demonstruesve. Demonstruesit e tjerë edhe ata që erdhën nga Cluj gjetën dyert e mbyllura, si në selinë e PSD-së ashtu edhe të partnerit të koalicionit qeverisës, partisë pseudo-liberale, ALDE. Oferta e këtyre dy partive për dialog ishin dyert e mbyllura.

Rumänien Proteste in Bukarest (DW/C. Stefanescu)

Muresan: “Posti i politikanit është i përkohshëm”

Zëdhënësi i partive popullore europiane, EVP, Siegfried Muresan, eurodeputet thotë se në një situatë të tillë vendi i një politikani është mes njerëzve. “Posti i politikanit është i përkohshëm, në radhë të parë ti je qytetar.” Muresani, një politikan me origjinë rumune erdhi në Bukuresht për shkak të protestave. Ai e kupton pakënaqësinë e demonstruesve. “Vitin e kaluar bëhej fjalë për ligje amnistie. Tani bëhet fjalë për kufizimin e pavarësisë së prokurorëve e gjykatësve dhe dobësimin e autoritetit antikorrupsion, DNA. Njerëzit dalin në rrugë për t’i dhënë sinjal politikës- ne nuk e pranojmë këtë.”

Cristian Stefanescu/Bukuresht/ DW

January 21, 2018 09:40
Komento

4 Komente

  1. info analitike January 21, 10:08

    Shoket e partise heshtin se i kane alergji protestat sidomos kur ne pushtet eshte partia e zemres.

    Reply to this comment
  2. niki January 21, 10:29

    Ketu populli e ndjen dhe ngrihet ne kembe pa shtysen e partive ,jo siç bejne Basha dhe Kryemadhi per ti manipuluar dhe perfituar nga pjesemarrja e popullit.

    Reply to this comment
  3. Epo kjo pune! January 21, 11:58

    ja pra qe ka patur te shtena… korrupsioni eshte dhe ne BE por ne e kemi si kusht te tjeret jane ne BE dhe e luftojne me pas!!!! Dallimi vetem eshte se ne pije kafe ne dimer ne lokal se na e zgjidh amerika korrupsionin!!! Jemi komplet ufo.

    Reply to this comment
  4. perkthyesi January 21, 13:04

    Ata nuk flene gjume, por i tregojne pushtetit qe te mos i neperkembe! Te ne, sigurisht qe ndodh e kunderta! Sa keq!

    Reply to this comment
Shiko komentet

Komento

Your e-mail address will not be published.
Required fields are marked*