Striptistja shokon dhe lë nam: Del e veshur në një event të rëndësishëm

March 5, 2018 18:31

Striptistja shokon dhe lë nam: Del e veshur në një event të rëndësishëm

Nuk kanë qenë të pakta rastet kur njerëzit e artit dhe kulturës kanë stonuar pasi kanë dalë jashtë fushës së tyre të talentit duke provuar zhanre të reja.

Një nga këto episode të trishta ndodhi ditët e fundit, kur striptistja e famshme Balona Kiameti u përpoq për të disatën herë të demonstrojë se mund të dalë në publik edhe e veshur. Sigurisht që rezultati ishte zhgënjyes.

Ngjarja në fjalë, siç mësojnë Gojët e Liga, ndodhi gjatë sesionit fotografik të tapetit çiklaminë, para ceremonisë së çmimeve për filmaxhinjtë më të mirë të vitit në SHB të A-së.

Papritur, para fotografëve u shfaq një femër e hijshme e veshur me një peliçe struci, që askush nuk po arrinte ta identifikonte. Rojet e sigurisë në fillim tentuan ta largonin duke mos e njohur: “Ej ti femër e veshur, ik që andej, tutje!”, I thanë ata.

Por ndërkohë shqiptarja e talentuar nisi të rrëshqasë paksa peliçen në supe, dhe atëherë të gjithë e njohën: “Oh my God, qenka Balona Kiameti e veshur! Po ky është skandal”, thanë fotografët dhe nisën të shkrepin me dhjetra foto.

 Vajza e skandaleve, e cila këto dhjetë vitet e fundit ka qenë 28 vjeçe, ka provokuar edhe herë të tjera në evente të rëndësisë globale, të ngjashme me çmimet e filmaxhinjve.

Një herë ajo ishte veshur me pantallona dhe xhaketë të zakonshme, të cilat nuk i hoqi asnjë moment, duke lënë nam dhe nxirë emrin e shqiptarëve.

Një herë tjetër mbajti gjatë gjithë eventit një fustan që, edhe pse ishte gjysmë transparent, stononte totalisht me performancën e saj të mëparshme.

Sipas kritikut të njohur francez Zhan Fransua Kallamoq, megalomania dhe instikti provokues është një tipar që për fat të keq, bashkëjeton me talentet e mëdha.

“Kemi aktorë gjigandë që tentojnë më kot të këndojnë, piktorë të mëdhenj që orvaten t’i futen politikës, basketbollistë botërorë që befas i hyjnë golfit. Kështu dhe Balona kërkon të provokojë opinionin publik global, duke u shfaqur befasisht e veshur. Unë them që nuk i shkon fare dhe i bëj thirrje: Balona, zhvishu nga këto koncepte,” deklaroi Kallamoq për revistën Madamme Rukije.

“Largqoftë, do Zoti dhe nuk i mbushet mendja të provojë këngën,” shtoi kritiku i madh.

 Shënim: Gojët e Liga është rubrikë satirike që beson se “gusht e gunë” është një proverb i shpifur.

March 5, 2018 18:31
Komento

5 Komente

  1. hahaha March 5, 19:31

    bukur ,,

    Reply to this comment
  2. Nik March 6, 12:45

    I ka dal llafi kallamoqit, se kjo striptizja edhe kendon. Po shyqyr thuaj qe kendon zhveshur dhe s’e ka njeri mendjen te zeri, nuk e ka tradhtua zanatin

    Reply to this comment
  3. demo March 6, 12:58

    Kete sorre nuk e kap kush nga bishti.

    Reply to this comment
  4. Beli March 7, 09:15

    Në kabare para një vajze

    Kush të solli këtu, e lindura në bjeshkë,
    Këtu, tek kjo kabare e Natës së Turpshme?
    Në gjoksin e bukur të tunden dy pjeshkë,
    Që mbajnë akoma cipën me push të dikurshme.
    Kush të solli këtu, e lindura në bjeshkë?

    Tani ti zhvishesh mes kabareve prore e prore;
    Mes tymit të turpshëm mjegulli i bjeshkës të shfaqet,
    Dhe një ortek i padukshëm dëbore,
    Një lot të rrëzohet me gjëmim nëpër faqet,
    Se zhvishesh mes kabareve prore e prore.

    Dritëro Agolli

    Vërejtje: Ndonëse situatat e kabaresë dhe të çmimeve oskar janë të ndryshme, fundamenti moral dhe psikosocial i sjelljes është i njëjtë.

    Reply to this comment
    • poeti nga fshati nastradinit .(Tunde Belin ,te hash Gjelin) March 7, 14:44

      eshte munduar i shkreti katunar ,
      me bo poezi ,
      por ka dal dicka haha e papar ,
      kopjo e surratit te tij !

      duhet ta misherosh erosin ta ndjesh,
      qe ta shkruash si zhvishet e tunden cicat kabaresh !

      ————————————————–
      ka shprehje qe jane me te thjeshta ,
      me shpreh nji ndjenje erotike ,
      qe duhet ti mesojn edhe fshataret e ardhur nga fundi botes ne qytete ,qe i thone ;

      Tunde Belin ,
      te hash Gjelin !

      Reply to this comment
Shiko komentet

Komento

Your e-mail address will not be published.
Required fields are marked*