Stuhia që mund të kthejë njerëzimin në fillim të viteve ‘800

April 2, 2018 11:29

Stuhia që mund të kthejë njerëzimin në fillim të viteve ‘800

Një qiell më ngjyrë të kuqe në jeshile, pajisje elektronike që dalin jashtë funksionit, e tërë kjo situatë e paimagjinueshme për ne mund të vijë si pasojë e një stuhie diellore.

Kjo stuhi diellore, mund të jetë e ngjashme me atë të vitit 1859, kur u bllokua komunikimi telegrafik në të gjithë botën.

Po mund të jetë akoma më e rëndë, shkruan Roger Dube në “The Conversation”.

Profesori i shkencës në Rochester Institute of Technology tregon se çfarë mund të ndodhë nëse një stuhi e kësaj natyre godet planetin.

Stuhitë diellore mund të lëshojnë miliarda protone dhe elektrone në një sferë plazme të tejnxehur në sistemin diellor. Ndodh që 1 në 20 nga këto sfera të drejtohen drejt orbitës së Tokës.

Nga pikëpamja shkencore, një stuhi diellore ndodh kur një shpërthim magnetik në shkallë të gjerë, shkakton nxjerrjen e një mase në sipërfaqen e Diellit.

Kjo lëshon në atmosferën e diellit grimca të ngarkuara me shpejtësi shumë të madhe. Grimcat më të rëndësishme, protonet, mund të ecin me shpejtësi sa 1/3 e asaj të dritës, pra 100 mijë km në sekondë.

Me këtë shpejtësi, atyre do t’u duhen vetëm 30 minuta për të mbërritur në Tokë. Ato duhet të kalojnë në magnetosferë, që mbron Tokën nga grimca të tilla.

Pasi hyjnë në këtë shtresë, ato drejtohen në linjat e fushave magnetike në mënyrë të tillë që të arrijnë të hyjnë në atmosferë pranë Polit të Veriut dhe atij të Jugut.

Nëse stuhia diellore është e përmasave të vogla, pasoja do të jetë e ngjashme me stuhinë e vitit 1989, e cila la pa energji për rreth 9 orë 6 milionë njerëz në Kanada. Por nëse stuhia është e madhe, pasojat në Tokë do të jenë të tilla; pa energji, ujë dhe internet për vite të tëra.

s.a/dita

April 2, 2018 11:29
Komento

1 Koment

  1. MH April 2, 17:42

    Enigm vashdon!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
    Bota,hana,dielli kane dal te rrafshta tepsi e Rames.
    Toka asht e pa levizshme qe kur Nastradini nguli goshden aty ku lidhi gomarin ne qender te botes tepsi.Dielli hana dhe gjithe yjet vertiten ne maje te gishtit te botes.Keto kuriozitetet te cuditeshme i ndjeka ne YOU TUBE javen e fundit te Marsit 2018 qe me krijune bindjen ma shume per seriozitetin e folesve se per kuriozitetin se cfare thonin.

    Reply to this comment
Shiko komentet

Komento

Your e-mail address will not be published.
Required fields are marked*