Superfosfati i Laçit ka ende mbetje të rrezikshme

Redaksia Online November 20, 2013 17:22

Superfosfati i Laçit ka ende mbetje të rrezikshme

Kombinati kimiko-metalurgjik i Laçit ka rreth dy dekada që nuk funksionon më, por pasojat e punës në këtë vepër të rëndësishme industriale të kohës ku prodhoheshin plehra fosfatike, acid sulfurik i koncentruar dhe një sere produktesh të tjera ndihen ende në këtë zonë, raporton Vizion Plus. Për të kujtuar atë zonë shërbejnë ambientet e lëna në mëshirë të fatit të këtij kombinati, si dhe mbetjet e lënë në mjedis të hapur, nën ndikimin e erës, shiut apo diellit.

Banorët thonë se ndotja ishte e madhe edhe në kohën kur kombinati punonte, por edhe sot. Në mjediset e hapura të ish-kombinatit ka tonelata pluhur të kuq me bazë hekuri të depozituar në jug të uzinës së superfosfatit, që gjithmonë kur fryn erë përhapet në zonë duke sjellë vështirësi në shikimin e banorëve, por edhe dëme të mëdha në shëndet dhe të mbjella.

Dikur përreth zonës nuk lejohej ndërtimi i ndërtimeve për banim, por sot ndërtimet pa leje kanë lulëzuar edhe përreth ish-kombinatit. Drejtuesit e Shëndetit Publik në Kurbin pranojnë rrezikun që shfaqin këto mbetje.

Në uzinën e superfostatit gjendet një sasi e konsiderueshme fluorosilikat natriumi, mjaft i rrezikshëm për njerëzit dhe bagëtitë, pasi ka veti helmuese tepër të forta ndaj edhe pastrimi i kësaj uzine është futur në projektet prioritare të qeverive vitet e fundit. Përpara vitit 90, ndotja që shkaktohej nga çlirimi i gazrave helmues ishte mjaft e madhe dhe qeveria e asaj kohe subvenciononte 40 për qind të prodhimit bujqësor të zonave nën ndikimin e uzinës.

Video:

Redaksia Online November 20, 2013 17:22
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*