SUPERMJETET / Vijnë veglat e së vërtetës; 5 lupa speciale nga SHBA për SPAK

November 25, 2019 13:29

SUPERMJETET / Vijnë veglat e së vërtetës; 5 lupa speciale nga SHBA për SPAK

TIRANË, Bubq, ura e Gjoles – Kanë mbërritur ditën e hënë në Rinas me një avion special, mjetet më të fundit teknologjike në dispozicion të drejtësisë së re shqiptare. Pesë lupa moderne, dhuratë e FBI-së amerikane do të ndihmojnë policinë dhe hetimin shqiptar në luftën kundër krimit të organizuar dhe atij të çorganizuar, si dhe kundër korrupsionit në qoftë se premton koha.

Dhuratën e çmuar e priti në aeroport vetë i brendshmi Ministër Sandër Shajaku, I cili deklaroi se është vërtetuar me statistika se përdorimi i këtyre super-mjeteve ka rritur me 80% zgjidhjen e krimeve dhe zbulimin e rasteve të korrupsionit sa herë ato janë përdorur.

“Që pas profilizimit të ADN-së në vitet 80 të shekullit të kaluar, përdorimi i këtyre lupave është hapi i dytë më domethënës në futjen e kriminalistikës në epokën moderne,” deklaroi Shajaku.

Sipas ministrit, lupat në fjalë, që do përdoren më s’paku nga SPAK, por edhe nga agjenci të tjera ligjnuhatëse, do mundësojnë pikasjen e detajeve dhe elementëve që deri tani ishte e pamendueshme se mund të shiheshin, si për shembull fije floku, copa thonjsh, gjurmë këmbësh në baltë, njolla gjaku etj.

“Një indicie e vockël që deri më tash ka kaluar pa u vënë re, e që madje mund të jetë e padukshme në sy të lirë, do të kapet nga këto lente potente dhe do ndihmojë në zgjidhjen e krimeve të sofistikuara, si në gjithë botën e qytetëruar. Sepse siç e dini, shejtani fshihet në detalet e imëta,” pohoi Shajaku.

Sipas ministrit të entuziazmuar nga kjo dhuratë e pashpresuar, lupat do mundësojnë gjithashtu edhe hedhjen dritë mbi dokumentacione pikante, si llogari bankare, fletë transaksionesh, kontrata etj, që janë kaq të ngjeshura nga gërmat dhe shkronjat e vogla, sa të merren mendtë.

“Me një lupë të tillë, nuk është nevojë të kërrusesh mbi pirgje me letra për të zbuluar diçka që nuk shkon në deklaratat e pasurisë. Ti je komod në karrigen e zyrës, vendos lupën mbi letër dhe gërmat e shkronjat të afrohen vetë,” sqaroi ministri.

Normalisht, pranoi zoti Shajaku, përdoruesit e këtyre mjeteve do duhet të trajnohen para se t’u besohet një teknologji e këtyre përmasave.

“Vetëm pas një trajnimi të kujdesshëm, hetuesit, policët e prokurorët shqiptarë do marrin në dorë këto lupa. Sepse ka ndodhur që nga pakujdesia, lupa është mbajtur shumë afër një prove shkencore dhe e ka djegur atë, sidomos në ditët me diell,” tha i Brendshmi ministër.

P.S. Mësohet se së shpejti për njësitet shqiptare antikorrupsion do të mbërrijë edhe një parti gotash speciale, të cilat nqs vendosen në mur në mënyrën e duhur, mund të përgjojnë bisedat në anën tjetër.

*****

SHËNIM / Kujdes. Gojët e Liga është rubrikë satirike. Nuk rekomandohet për moshat mbi 20 vjeç.

November 25, 2019 13:29
Komento

3 Komente

  1. Strasburg November 25, 15:12

    Po putana jote Monika, nen presionin e kujt do të jetë, o Hajdut i ndyrë?Po ti dhe LSI-ndermarrja kriminale nga kush do te kontrollohen, apo nga hajdutet te tu? Nerveri per ty dhe ata qe te kanë vënë në ate post….

    Reply to this comment
  2. Nuci November 25, 17:44

    Straso, ca pate vella, ngatrrove filmin

    Reply to this comment
Shiko komentet

Komento

Your e-mail address will not be published.
Required fields are marked*