Tabela zyrtare/ ARRSH publikon koston e projektit te Unazës së Madhe

November 23, 2018 11:20

Tabela zyrtare/ ARRSH publikon koston e projektit te Unazës së Madhe

Autoriteti Rrugor Shqiptar ka bërë publike tabelën zyrtare me të gjithë zërat e kostos së projektit “Mbikalimi Shqiponja-Pallati me Shigjeta” në kuadër të Unazës së Madhe të Tiranës.

Pretendimi se vepra ka vetëm 2.3 kilometra rrugë është e pavërtetë pasi projekti përfshin: 2.3 kilometra rrugë kategoria A Urbane; 4.68 kilometra rrugët e shërbimit “Kategoria F”; 5 km trotuare; 5 km korsi biçikletash; nënkalime këmbësorësh; ndriçim rrugëve kategoria Urbane A; ndriçim i rrugëve kategoria F; punimet e drenazhit dhe kullimit. Përveç kësaj, investimi përfshin mbikalim dhe nënkalim tek Sheshi Shqiponja; dy mbikalime të tjera dhe dy nënkalime përkatësisht tek Lana dhe Astiri.

Siç mund ta shikoni në tabelë, kostot zë për zë të këtij investimi e qartësojnë se vetëm veprat e artit infrastrukturore mbikalime/nënkalime në rrugët e Kategorisë A dhe ato të kategorisë F në këtë projekt kanë 75% të totalit të kostos.

Sipas po kësaj tabele rezulton se 2.34 kilometra rrugë kategoria A Urbane që është me standardet e një autostradë urbane, e para në Shqipëri, kanë si kosto në total 5.3 milion euro. Thënë ndryshe, kosto për kilometër e kësaj lloj rruge është 2.2 milion euro.

4.68 kilometra rrugë Kategoria F kanë si kosto 3 milion euro ose thënë ndryshe 646 mijë euro për kilometër. E gjithë pjesa e zërit të rrugëve në këtë vepër, përfshirë elementët plotësues është sa 25% e totalit të kostos së projektit.

Në një kohë kur opozita pretendon në mënyrë të qëllimshme e spekulative se një kilometër rrugë shkon nga 18-20 milion euro, e vërteta është krejt tjetër sepse 7.02 kilometra kanë si kosto totale 8.3 milion euro.

Pjesa tjetër e kostos shkon për nyjen e madhe të Sheshit Shqiponja dhe katër nënkalime dhe mbikalime të tjera që do të ndërtohen në këtë segment.

l.h/ dita

November 23, 2018 11:20
Komento

4 Komente

  1. info analitike November 23, 13:06

    O shoke ndonje vendim apo dokument me firme e me vule a ka se me keto fletet e excelit mund te fshini menderen. Sidoqofte kjo kosto per km eshte sa dysfishi i Rruges se Kombit prandaj o shoke perdersa u akuzua Lulushi me Saliun per vjedhje, ju e keni ca te veshtire qe te shiteni qibare me ca artikuj gazetash.

    Reply to this comment
  2. info analitike November 23, 13:08

    Ja lexoni se sa shume e “lavderojne” kete skuthin mashtrues te Bashkise se Tiranes
    https://sot.com.al/politike/plani-urbanistik-shperfilles-harvardi-kritikon-erion-veliajn-nje-qytet-ku-zerat-po-mbyten

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim