Talbott: Kosova, Rusia dhe egoja e Vladimir Putinit

March 22, 2014 10:26

Talbott: Kosova, Rusia dhe egoja e Vladimir Putinit

Presidenti rus Vladimir Putin iu referua gjashtë herë rastit të Kosovës në një fjalim të kohëve të fundit, duke e cilësuar pavarësinë e Kosovës si pararendëse për aneksimin e Krimesë nga Rusia. Këto dy shembuj nuk kanë si të jenë më të ndryshme nga njëra-tjetra, shprehet Presidenti i Institutit Brookings Strobe Talbott në një artikull në gazetën Washington Post.

Zoti Talbott, ish-Zëvendës Sekretar i Shtetit gjatë administratës së Presidentit Klinton, kur NATO-ja ndërmori fushatën e saj ajrore kundër forcave serbe 15 vjet më parë, shkruan se Aleanca ndërhyri për të ndalur konfliktin në Kosovë në 1999, pasi diplomacia dështoi dhe Millosheviçi shpalosi një fushatë spastrimi etnik e vrasjesh të popullatës. Kjo situatë, argumenton zoti Talbott, nuk përmban asgjë të përbashkët me Ukrainën. Pas ndaljes së konfliktit, u deshën nëntë vjet para se Kosova të shpallte pavarësinë dhe ky akt nuk çoi në aneksimin e saj nga Shqipëria.

E vetmja fije lidhjeje që gjen ish-zyrtari i lartë amerikan, është fobia që ka krijuar Putini dhe Rusia ndaj politikave të Perëndimit dhe misionit të NATO-s që Moska e konsideron si kërcënues ndaj sigurisë kombëtare ruse.

Strobe Talbott, kujton takimin e tij të parë me Vladimir Putinin, në një prej periudhave më të tensionuara në marrëdhëniet Rusi-Perëndim që pas përfundimit të Luftës së Ftohtë. Vetë zoti Talbott ndodhej në Moskë në një ndër udhëtimet e shumta diplomatike të nivelit të lartë për të zbutur tensionet me Moskën, ndërkohë që Perëndimi kishte filluar fushatën kundër Millosheviçit.

Gjatë takimit ai prezantohet me kreun e Këshillit të Sigurimit të Kremlinit, Vladimir Putin, një oficer i ri, ambicioz në rangjet e para të karrierës që do ta çonte në të ardhmen në krye të Kremlinit.

Vizita në fjalë, në qershor 1999, zhvillohej në një kohë kur rusët kishin kërcënuar se do të tërhiqeshin nga operacionet e përbashkëta me NATO-n dhe do të dislokonin trupat e tyre në Kosovë. Brenda pak orësh, njësi të vogla ushtarake ruse që ndodheshin në Bosnje për të mbikqyrur zbatimin e armpushimit, u futën në Kosovë. NATO-ja reagoi duke dërguar nga Maqedonia një forcë shumëkombëshe për në Kosovë. Operacioni rus u pezullua menjëherë, pasuar nga një deklaratë e Ministrisë së Jashtme ruse ku mohohej incidenti.
Situata, siç e shpjegon ish-zyrtari amerikan, ishte mjaft delikate dhe mund të ishte shndërruar në një incident të rrezikshëm me shkëmbim zjarri.

Putini ishte i padeshifrueshëm dhe tepër i rezervuar gjatë takimit, kujton zoti Talbott. Është e vështirë të thuhet se çfarë roli kishte ai në këtë skenar që thuajse vuri përballë njëri-tjetrit trupat e NATO-s dhe forcat ruse në një betejë të armatosur. Ajo që mund të thuhet për Putinin është se ai nuk e fsheh kënaqësinë që ndjen sa herë që ka rastin ta tregojë forcën e tij përballë Perëndimit./VOA

March 22, 2014 10:26
Komento

3 Komente

  1. merobaze March 22, 11:08

    PUTINI ESHTE THJESHT NJE SPIUN I KGB-SE BOLSHEVIKE.

    qe nuk ka piken e intelektit dhe qe eshte bere miliarder si Rokfeler me dhune dhe terror, pa punuar fare, por duke grabitur popullin e vet dhe duke pushtuar dhe masakruar popujt e tjere. Shyqyr qe u erdhi mendja ne koke amerikaneve dhe BE-se per kete komunist te pabese, sic jane te gjithe komunistet qe i kemi provuar edhe ne Shqypnine tone pa fat, kur Enver Hoxha mbolli MURTAJEN bolshevike ne vendin tone duke i shtitur bythen me radhe Jugosllavise, Rusise dhe Kines.

    Reply to this comment
    • Thjesht ,vezhgues i marrezise shqiptare March 22, 16:59

      Koka e madhe e merobazenin duhet te ket masen e duhur te truve sa te
      flasin mbi IQ-ne ,pra inteligjencen e figurave te tilla si Putini apo dikush tjeter ne bote.
      Eshte e pakuptushme per disa tipa te cilet duhet ta rreklamojn patjeter
      idiotesine e tyre ne interrnet. Pasion idioti.

      Reply to this comment
  2. tanino March 22, 12:17

    zoti talbot kur flitet per nje problem flitet qe nga lindja e ketij problemi dhe ne vazhdim dhe jo vetem ajo pjese qe ju intereson.fakti eshte se menjehere pasi ukrahina refuzoi te nenshkruaje traktatet me BE ju se bashku me to organizuat dhe perkrahet nje grusht shteti te organizuar nga terorista ekstremiste.mirepo fakti eshte qe thelbin e ketij problemi qe eshte marja me dhune e pushtetit duke rezuar nje qeveri legjitime ju e anashkaloni sikur nuk ka ndodhur gje.pra mendimi i lire dhe jo servilet e pushtetit denojne me force kete lloj implementimi te demokracise me ane te forces sic e denum ne afganistan,irak, siri,libi,etj etj. kjo lloj sjelljeje i shkon per shtat vetem diktatoreve dhe vendeve diktatoriale.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim