Të dashurosh narcizin

May 26, 2018 11:01

Të dashurosh narcizin

“Pasqyrë moj pasqyrë, më thuaj një gjë! Cila është më e bukura?” – pyeste njerka e Borëbardhës duke parë veten në kristalin e famshëm.

Shquhej për mendjemadhësi dhe narçizizëm, por kishte pak vetëvlerësim. Narcizët ndihen superiorë, por nuk janë të kënaqur me veten, – sqaron Eddie Brummelman, kërkues në Universitetin e Amsterdamit.

Objektivi kryesor i njerëzve mendjemëdhenj dhe të vetëkënaqur është të mos vendosin marrëdhënie të ngushta, por t’u tregojnë të tjerëve epërsinë dhe kur ndihen të admiruar hyjnë në një gjendje ekstaze dhe përforcojnë fodullëkun e tyre.

Kush dashuron apo ka pranë një njeri narcizist, do vuajë agresivitetin e tij, nevojën e tij ta pangopshme për tu ndjerë i veçantë.

Nëse nuk zgjojnë këtë admirim që besojnë se e meritojnë, narcizët zemërohen dhe madje bëhen agresivë.

Ata janë thuajse të verbër nga fodullëku dhe i përsëritin vetes një mesazh: “Jam më i mirë, jam superior”.

Një mënyrë të menduari që nëse e analizojmë mirë nuk është edhe aq e jashtëzakonshme, sepse nëse e pranojmë ose jo, të gjithë e eksperimentojmë më shumë se një herë në jetë.

Psikologët e quajnë “iluzion i superioritetit”.

Makiko Yamada, shkencëtare e programit të neuroimazheve molekulare në Japoni e vendos iluzionin e superioritetit mes dy pikave strategjike të trurit; korteksit frontal që proceson ndjesitë e Unit dhe qendra e strijuar, ose pjesa e trurit për Shpërblimet.

Imazhet e vetes sonë varen nga se si është rruga që lidh këto dy zona cerebrale, një autostradë nervore që ka emrin “qarku frontal i strijuar”.

Sa më pak të jenë të lidhura këto qendra cerebrale, më e lehtë është që të ndihemi superiorë në diçka ose në gjithçka.

Por Yamada thotë se iluzioni i superioritetit sidoqoftë ka qenë një pjesë kyç në evoluimin njerëzor sepse na ndihmon të kemi shpresë në të ardhmen. Pra vlerësimi me dashamirësi, edhe pse jo objektiv,  është përfitim për shëndetin mendor.

Por kur ruhet masa. Ndryshe kalohet te arroganca ekstreme, që nga pozitivitet kthehet në një defekt në tru.

b.m. / dita

May 26, 2018 11:01
Komento

2 Komente

  1. Albani May 27, 01:06

    Mungon vetem emri i njeriut qe ka iluzionin e superioritetit dhe qe servilat rrotull tij si Lorenci i Vangjelajve e lavderojne ne cdo fjale te tij : rAMA.

    Reply to this comment
  2. Flutura May 27, 21:58

    Pra what is narcissism?
    Pse quhen te tille, po autori qe ka vene ne gojen e shtriges punen e pasqyres, nga se eshte nisur?
    Shpjegoheni me dy fjale se c’eshte narcisizmi dhe nga e ka origjinen kjo fjale.
    Psikologet e filozofet qe permendni e dijne perse flasin, ndersa lexuesit jo, ne shumicen e tyre. Po hajt, s’ka gje.

    Reply to this comment
Shiko komentet

Komento

Your e-mail address will not be published.
Required fields are marked*