Të falësh pushtet në mes të mandatit?!

August 5, 2018 12:11

Të falësh pushtet në mes të mandatit?!

Për zgjedhjet e radhës,

e largët është data,

po Rama me Bashën,

bëjnë deklarata!.

 

Bëjnë deklarata,

dy yjet e ndritur,

që më kanë pataksur,

që më kanë habitur!.

 

Rama është i lodhur,

dhe mbase s’ka faj,

që do përsëri,

një Shtatëmbëdhjetë Maj!.

 

Po Luli që njihet,

si një goxha burrë,

me një ton të prerë,

Ramës i thotë:”Kurrë!.”

 

Rama në fitore,

e shpuri partinë,

dhe i vetëm fare,

e mori tepsinë!.

 

Tepsisë të gjithë,

ja dinë kimetin,

po kur ndan atë,

do ndash dhe pushtetin!.

 

Tepsia afron,

të mirat e shtetit,

por ajo të shton,

barrën e pushtetit!.

 

Tepsia e shkretë,

s’ka vetëm kismete,

se barrë e pushtetit,

të zë ndënë vete!.

 

Në mes të mandatit,

nuk di nga t’ja mbash,

ndaj mendon që barrën,

me të tjerë ta ndash!.

 

Kjo është me sa duket,

taktikë e Të Gjatit,

të fali pushtet,

në mes të mandatit!.

 

Veten mos e jep,

more i bekuar,

në mes të mandatit,

askush s’është dorëzuar!.

 

Me mijëra kumrije,

të këndojnë në kokë,

ama-opozita,

është fare për tokë!.

 

Neve të votuam,

të drejtosh pozitën,

dhe jo që të ngrësh,

në këmbë opozitën!.

 

E pamë bereqetin,

e të Parit Maj,

pamë ç’nivel që kishin,

ministrat e saj!.

 

Kush ta jep të drejtën,

more Beu ynë,

që të ndash pushtetin,

në një tavolinë!.

 

As mund t’i mendosh,

këto marrëzira,

se pushteti ndahet,

nga zgjedhjet e lira!.

 

Katër vjet-Sovrani,

i ndan për një ditë,

kush do qeverisi,

dhe kush opozitë!.

 

Shoku Lulëzim,

mos na përkëdhelet,

se pa konkurrim,

s’ha dot karamelet!.

 

Gjysmën e pushtetit,

Rama vjet ja dha,

po qofte te Daja,

vit për vit nuk ka!.

 

Në ato pesë muaj,

qe dhe LSI-ja,

dhe është pak të themi,

u bë batërdia!.

 

Nga ajo marrëveshje,

që fuste shumë ujë,

shteti edhe sot,

është komplet rrëmujë!

 

Këto lloj marrëveshjesh,

quhen kurvëri,

dhe nuk mund të bëhen,

kurrë përsëri!.

 

Përgatitu Luli,

për zgjedhjet e reja,

se nuk ka fitore,

po s’pati beteja!.

 

Dhe nëse Edvinit,

s’i mban më balanca,

në zgjedhjet e tjera,

të bëjë aleanca!.

A. DUKA

August 5, 2018 12:11