Të hënën, sesioni i ri parlamentar. Ja çfarë pritet nga partitë politike

September 2, 2018 16:22

Të hënën, sesioni i ri parlamentar. Ja çfarë pritet nga partitë politike

Sesioni  i ri parlamentar do të nisë këtë të hënë.

Seanca e parë plenare, që është vetëm ceremoniale, pritet të nisë rreth orës 17:00.

Megjithatë, lëvizjet në selitë e partive politike pritet që të nisin që në orët e para të ditës.

Socialistët do të mbajnë në orën 9 të mëngjesit një mbledhje Kryesie, ku në fokus do të jenë përgatitjet për garën e ardhshme elektorale.

Kryeministri Rama mendohet se në këtë mbledhje do të vendosë përfundimisht nëse do të ketë ndryshime në kabinetin qeveritar, ndonëse burimet e Top Channel-it nga PS-ja tregojnë se ka pak gjasa që kjo të ndodhë.

Nga ana tjetër, grupi parlamentar i PD-së do të mblidhet rreth orës 10. Kreu i kësaj force politike nuk ka pranuar të tregojë se cila do të jetë qasja e demokratëve me Parlamentin.

Mesditën e së hënës, Partia Demokratike do të bëjë të ditur nëse do të shkojë apo jo në mbledhjen e Konferencës së Kryetarëve, ku do të miratohet edhe kalendari i punimeve të Kuvendit.

Sipas një draftkalendari që ka dalë në media, mazhoranca parashikon që më 13 shtator të kalojë në seancë dekretin e presidentit Meta, që ktheu për rishqyrtim ligjin që i hap rrugën projektit të ri të Teatrit Kombëtar.

Ndërkohë që mazhoranca e ka bërë publike që në korrik se do ta rrëzojë dekretin presidencial, opozita ka paralajmëruar se e konsideron këtë kapërcim të një “vije të kuqe”.

s.a/dita

September 2, 2018 16:22
Komento

2 Komente

  1. Po , Po September 2, 18:26

    Nuk e kuptoj , perse kjo heshtje varri , si nga pozita ashtu edhe opozitaper ligjin e ri elektoral , kur BE-ja e ka vene si kusht “sin equa non”, per celjen e negociatave , bile rekomandon te filloje sa me pare , pa humbur me teper kohe ! ! !

    Reply to this comment
  2. Kukuvajkat e SHQUP-it September 2, 18:26

    Edhe Partite Politike te enklave serbe jane me te dinjitoze dhe te sjelleshme se keta plehrat e SHQUP-it, mbas qafe e kane me gjithe baxhellen Mona Cizmja.
    Pasi jane thekur e sterthekur ne plazhet perrallore te vendeve ekzotike ne bote , orjentimi i Shqu-piseve dhe i Lesh e Lise do te jete qe diten e hene e ne vazhdim do t’u qaje hallin qytetareve qe jane varferuar dhe rrine gjithe diten ne kafe, lokale te shtrenjat dhe lojra bixhozi si te “papune” qe jane.

    Reply to this comment
Shiko komentet

Komento

Your e-mail address will not be published.
Required fields are marked*