“Të nisë menjëherë zbatimi i tij”, Meta dekreton një tjetër ligj dhe jep ultimatumin: Të mos zvarritet nga Këshilli i Ministrave!

August 11, 2020 17:06

“Të nisë menjëherë zbatimi i tij”, Meta dekreton një tjetër ligj dhe jep ultimatumin: Të mos zvarritet nga Këshilli i Ministrave!

Presidenti Meta ka dekretuar ditën e sotme, ligjin “Për Regjistrin e Pronarëve Përfitues”, për identifikimin dhe regjistrimin e pronarit përfitues të subjekteve tregtare dhe organizatave jofitimprurëse.

Sipas Metës, ky ligj është një hap para drejt transparencës së zotëruesve të kapitalit të subjekteve tregtare, ndërsa thekson se nuk duhet të jetë një akt që miratohet vetëm për qëllime raportimi pranë Moneyval, por është me rëndësi themeltare për Shqipërinë, “të nisë menjëherë zbatimi i tij dhe transparenca me zotëruesit e aksioneve, pa u zvarritur nga Këshilli i Ministrave nxjerrja e akteve nënligjore që mundësojnë fillimin e implementimit”

Njoftim i Institucionit të Presidentit të Republikës:

Presidenti i Republikës, Sh.T.Z Ilir Meta, ka dekretuar me shpallje ligjin nr. 112/2020 “Për Regjistrin e Pronarëve Përfitues”.

Ky ligj është një rekomandim i përsëritur për Republikën e Shqipërisë nga Komiteti i  Ekspertëve për Vlerësimin e Masave Kundër Pastrimit të Parave dhe Financimit të Terrorizmit (MONEYVAL) të Këshillit të Europës, për identifikimin dhe regjistrimin e pronarit përfitues të subjekteve tregtare dhe organizatave jofitimprurëse, të regjistruara në Republikën e Shqipërisë.

Ky ligj është një hap para drejt transparencës së zotëruesve të kapitalit të subjekteve tregtare, por që po në funksion të kësaj transparence, mund të kishte përcaktuar edhe më qartë detyrimin për deklarimin dhe regjistrimin e subjekteve, pa kufizime, në raport me aksionet/kuotat të kapitalit ose të interesave të pronësisë në një subjekt raportues.

Ky ligj nuk duhet të jetë një akt që miratohet vetëm për qëllime raportimi pranë Moneyval, por është me rëndësi themeltare për Shqipërinë, të nisë menjëherë zbatimi i tij dhe transparenca me zotëruesit e aksioneve, pa u zvarritur nga Këshilli i Ministrave nxjerrja e akteve nënligjore që mundësojnë fillimin e implementimit.

j.l./ dita

August 11, 2020 17:06
Komento

3 Komente

  1. Gzim Kulufi August 11, 21:53

    Ja, pas “zenkave” Rama-Meta, del dhe ligji qe i shpagon te dy (kupto: miqte e tyre, nga te cilet perfitojne edhe ata vete).

    Reply to this comment
  2. klemi August 12, 09:35

    Kush jane kompetencat e likes po qe se ligji zvarritet nga km? Palaco flet vetem per tu dukur por nuk e pjerdh njeri. Por sigurisht ai nuk ha m.. kot.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim