Telekom Albania mbetet Superbrand

February 9, 2018 20:45

Telekom Albania mbetet Superbrand

Superbrands Albania vlerëson për të dytin vit radhazi Telekom Albania si një ndër tridhjetë markat më të vlerësuara në tregun shqiptar.

Mbrëmjen e djeshme u kurorëzua edicioni i dytë i Superbrands Albania, me ndarjen e çmimeve, në një festë ku ishin të ftuar përfaqësues të kompanive më prestigjioze në Shqipëri.

Superbrands është autoriteti ndërkombëtar i markave që i vlerëson ato në më shumë se 60 vende të botës. Me misionin për të rritur dijen mbi rëndësinë që kanë market për ndërmarrjet, që prej themelimit më 1994, ka promovuar programet e saj të cilat identifikojnë market më të mira dhe rrisin njohjen në public për vlerat që ato përcjellin në vendet ku operojnë. Identifikimi i tyre bëhet nga një grup ekspertësh nga fusha të ndryshme që secili shtet krijon, të cilët japin opinionin e tyre mbi markat me ndikimin më të forte në treg.

Ky ishte viti i dytë që Telekom Albania ftohet nga Superbrands për të qenë pjesë e saj, pasi u përzgjodh përsëri nga këshilli si markë e vlerësuar. Ky titull përforcon edhe njëherë pozitën e markës, e veçon nga konkurrentët dhe është një garanci më tepër se klientët po përdorin produktet dhe shërbimet e markës më të mire në telekomunikacion. Si kompania e parë e telefonisë së lëvizshme në Shqipëri, Telekom Albania ka rritur vlerën e markës duke ofruar rrjetin e saj deri edhe në zonat më të thella të vendit. Pothuajse 97% e popullsisë gëzojnë aksesimin në rrjetin 3G dhe 85%  në rrjetin 4G, ndësa më shumë se gjysma e saj tashmë janë pjesë e përvojës së pakrahasushme të rrjetit 4G+.

Telekom Albania është kompania e parë e certifikuar për rrjetin më të mire në Shqipëri si edhe për rrjetin më të mire të internetit nga testimet e P3 Communication.

Për t’iu përgjigjur nevojave gjithmonë në rritje të klientëve të saj, Telekom Albania sjell produkte nga më të ndryshmet në treg si shërbimet e internetit, paketa të ndryshme roaming, portofol të plotë ofertash me parapagesë dhe me kontratë për individë dhe biznese, menaxhim të dedikuar për bizneset, pajisje elektronike me marrëveshje ekskluzive nga kompanitë e mëdha, telefoni fikse, zgjidhje për bizneset, aplikacione, fatura elektronike, etj.

E vlerësuar me çmime nga Partners Albania për kontributet e saj në komunitet si edhe çertifikuar me ISO përkatëse, Telekom Albania aspiron të jetë një kompani e përveçme për menaxhimin e përgjegjshëm. Gjithashtu është e angazhuar të operojë në mënyra të qëndrushme në aspektin mjedisor, ndërsa mban në focus rritjen e saj si kompani dhe të komunitetit njëkohësisht.

Filozofia e punës në Telekom Albania është ofrimi i shërbimit sa më të mire ndaj klientit duke i ofruar rrjet dhe support kudo dhe në çdo kohë. Ky është thelbi i sloganit “Çaste që na lidhin”.

February 9, 2018 20:45
Komento

1 Koment

  1. Arben February 10, 08:46

    Telekom Albania ka emer te jashteligjshem.

    Albtelekom eshte emer i regjistruar dhe cdo emer me kete kuptim eshte plagjature.

    U habita qysh u dorezua Albtelekom per kete gje.

    Reply to this comment
Shiko komentet

Komento

Your e-mail address will not be published.
Required fields are marked*