Thaçi fton Kurtin për t’i dorëzuar dekretin e mandatarit brenda orës 12:00

Nga Arkiva

• Erdogan diskuton me Putinin detajet e vizitës së Assadit në Moskë 1 21.Oct
• Alarm fals për pengmarrje në Paris 0 17.Sep
• Tiranë, shpërthen makina pranë digës së liqenit/ Dyshohet për tritol 0 30.Nov

Presidenti i Kosovës, Hashim Thaçi ftoi kryetarin e Lëvizjes Vetëvendosje, Albin Kurti, për të pranuar dekretin e mandatarit për formimin e qeverisë së re të Kosovës.

Zyra për Informim e Presidencës ka konfirmuar për mediat kosovare se ftesa vlen për ditën e sotme në ora 12:00.

Ndërsa nga Zyra për Media e Lëvizjes Vetëvendosje i thanë KosovaPress-it se ende nuk e kanë pranuar një ftesë të tillë.

Nga kjo zyre nuk thanë nëse Kurti do të shkojë në presidencë, por nuk e kanë mohuar një takim të tillë, informon KosovaPress.

Ndërkohë Lëvizja Vetëvendosje dorëzoi sot në mënyrë të shkruar emrin e Albin Kurtit për kryeministër.

Kryetari i Lëvizjes Vetëvendosje, Albin Kurti ka bërë të ditur se edhe pas dorëzimit të emrit për mandatar për kryeministër ende nuk kanë arritur marrëveshje me Lidhjen Demokratike të Kosovës.

j.l./ dita