“Time”: Ja 5 arsyet, përse ISIS ka zgjedhur Europën

March 24, 2016 23:35

“Time”: Ja 5 arsyet, përse ISIS ka zgjedhur Europën

Bombardimet e së martës në Bruksel shënojnë atentatin e tretë në Europë në 15 muajt e fundit. Revista “Time” ka analizuar 5 faktorë, përse terroristët e ISIS kanë zgjedhur kontinentin e vjetër për të përhapur dhunën e tyre.

Së pari – liston “Time”, – është përgatitja e terrenit.

Në sulmet që mbajnë autorësine e ISIS në Europë kanë humbur jetën të paktën 185 persona, por janë terrorizuar më shumë se 500 milionë të tjerë. ISIS ka realizuar, ose ka frymëzuar afërsisht 75 sulme, në 20 shtete jashtë Sirisë dhe Irakut. Nga operacionet brenda rajonit, kalifati tani e ka shtrirë rrezen e sulmit, duke shënjestruar shtetasit e huaj përtej kufijve. E ndërsa vazhdon që të pësojë disfatë në terren në muajt e fundit, duke humbur 22% të territorit në Irak dhe Siri prej vitit 2015, ku 8% i ka humbur vetëm në 3 muajt e fundit, bota duhet të përgatitet për hapat e dëshpëruar që do të ndërmarrë grupi xhihadist.

Arsyeja e dytë, përse terroristët kërkojnë të gjunjëzojnë Europën, është pasi ata i kanë krijuar bazat e rekrutimit në Europë.

Nuk është rastësi, që Belgjika apo Franca janë shënjestruar. Ato kanë një numër të konsiderueshëm luftëtarësh, që janë bashkuar me ISIS, të cilët edhe kur kthehen mbrapsht kanë rrjetet e tyre të njerëzve, që i mbështesin dhe strehojnë për t’i fshehur nga autoritetet ligjzbatuese. Këtë e dëshmon edhe rasti i Salah Abdeslam, i cili edhe pse i shpallur si një nga njerëzit më të rrezikshëm të botës pas sulmeve të Parisit, arriti që t’i shmangej policisë për 4 muaj me radhë, duke u fshehur në Molenbeek.

ISIS nuk ka gjetur vetëm bazën më të mirë për të rekrutuar të rinj të pashpresë, por njëkohësisht, grupi terrorist po përfiton nga situata gjeopolitike në Europë, ku kriza e refugjatëve ka krijuar destabilitet të madh në kontinent.

Kjo shënon edhe arsyen e tretë, përse terroristët e konsiderojnë eksodin e refugjatëve nga Siria, si një mundësi të artë për të vepruar dhe kamufluar terroristë. Këtë sinjal, ISIS e dha kur njërit prej kamikazëve të Parisit iu gjet pasaporta e rreme siriane.

Është ende shumë herët për të përcaktuar sesi ISIS e ka përdorur përgjigjen e Europës ndaj refugjatëve myslimanë, por një gjë është e sigurtë: uniteti europian është fraksionuar. Thirrja e udhëheqësve lindorë për të pranuar vetëm refugjatë të krishterë, përballet me politikën e dyerve të hapura të Kancelares gjermane Angela Merkel. Për revistën “Time”, kjo është edhe arsyeja e katërt që i hap terren ISIS-it.

Së fundmi, por jo më pak të rëndësishme, janë skenarët e referendumeve. Britania e Madhe ka shprehur ndër të parat shtete vullnetin për të lënë Bashkimin Europian, duke vënë në pikëpyetje të madhe të ardhmen e unionit. Pothuajse 53% e francezëve dhe më shumë se 45% e gjermanëve apo suedezëve duan të ndjekin shembullin britanik të referendumeve.

Si rrjedhojë, krerët e ISIS-it kanë hapësirën për të destabilizuar kontinentin dhe kjo e ekspozon Europën, si shënjestrën kryesore të militantëve për të demostruar makabritetin e tyre.

March 24, 2016 23:35
Komento

2 Komente

  1. Fatherland March 25, 09:03

    Mungon Arsyeja Kryesore ( keto 5 – tjerat jane nen arsye qe vijne nga Kryesorja )! Arsyeja Kryesore pse ISIS ka objekt Europen eshte : Sistemi Politik i liberalizmit te shkare ne Anarki qe ka Europa! Pa kete Arsye, gjithe tjerat nuk do ekzistonin fare!

    Reply to this comment
  2. amor March 25, 10:26

    Eu po gja spo dishin keta evropianet .Po kjo moti dihet edhe ne librin e shejt te islamve shkruen se luften per islamin nuk duhet ndalet der sa edhe njeriu u fundit nuk bahet islam.Po krijimi i shetit te kalifatit qfar qellimi tjeter ka .

    Reply to this comment
  3. Dhimbia e Madhe POPULL. January 24, 03:27

    Feja qe nderhyn ne punet e te tjereve nuk eshte fe.dhe ISIS-i nuk eshte fe po organizate terroriste moderne..
    Sa s’eshte von,duhet te MENDOHET MIRE.
    Po rrezikohet njerzimi.
    Dhimbie e madhe POPULL.

    Reply to this comment
Shiko komentet

Komento

Your e-mail address will not be published.
Required fields are marked*