Tirana fiton ndaj Teutës, pikë shprese për mbijetesën

April 14, 2019 21:56

Tirana fiton ndaj Teutës, pikë shprese për mbijetesën

Tirana ka bërë një hap para këtë fundjavë, duke fituar 3-1 në Durrës ndaj Teutës vendase, një triumf që do të qetësojë disi ujërat e trazuar në të cilët lundronte, të paktën përkohësisht edhe pse jo matematikisht.

Fitorja e thellë në “Niko Dovana” sigurisht iu përmirëson golavarazhin bardhebluve kryeqytetas, por jo renditjen në tabelën e klasifikimit të Kategorisë Superiore pas javës së 29 të saj.

Oduamadi i dha epërsinë kryeqytetasve, ndërsa Hasani dyfishoi me qetësi brenda zonës. Bregdetarët rihapën sfidën me Kamara, por goli nga distanca i kapitenit bardheblu, Karabeci, iu siguroi 3 pikë miqve.

Tashmë mbijetesa duket disi më afër, duke qenë se distanca me Kastriotin e vendit të parafundit është thelluar në 6 pikë, pikërisht për shkak të fitores në Durrës të bardhebluve shoqëruar me humbjen e krutanëve në Korçë.

Skënderbeu arriti ndaj tyre një fitore me vlera, në një ndeshje ku “ujqërit e dëborës” shënuan plot 4 herë. Muzaka, Oto Xhon dhe dy herë Krasniqi ndëshkuan ekipin krutan, që mbetet i parafundit në Superiore, një vend që të zbret në kategorinë inferiore. Ndërkohë, për Skënderbeun, Europa është 4 pikë larg.

Më herët u luajtën edhe takimet Kukësi-Flamurtari 1-2 dhe Luftëtari-Laçi 1-0.

v.l/ Dita

April 14, 2019 21:56
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Sondazh

A ËSHTË EDI RAMA I MAJTË?

Shiko rezultatin