“Tirana, një nga qytetet më të pasura të historisë së artit”

March 15, 2018 16:02

“Tirana, një nga qytetet më të pasura të historisë së artit”

 

“Tirana ndër qytetet më të bukura evropiane, nënvlerësohet shpesh. Por, është gjithashtu një nga vendet më interesante për t’u vizituar”, kështu e nis artikullin e saj revista e njohur italiane e specializuar për turizmin, “Mondo viaggiare”, e cila i ka kushtuar një reportazh kryeqytetit shqiptar.

Teksa rendit disa prej pikave turistike që nuk duhet humbur, gazetarja italiane Deborah Farinon thekson ndërthurjen që ka kryeqyteti shqiptar mes monumenteve dhe vendeve historike e kulturore, por edhe natyrës së bukur.

Nga Deborah Farinon

Tirana, kryeqyteti i Shqipërisë, ndër qytetet më të bukura evropiane, është shpesh e nënvlerësuar. Por, është gjithashtu një nga vendet më interesante për t’u vizituar, e pasur me referenca, monumente dhe vende historike e kulturore. A e dini se çfarë duhet të shihni në Tiranë?

Sheshi “Gjergj Kastriot Skënderbeu”

Sheshi “Gjergj Kastriot Skënderbeu” për dekada ishte qendra kryesore e regjimit komunist, që mbretëronte në Shqipëri. Veçanërisht i përshtatshëm për manifestime dhe parada ushtarake, për shkak të dimensioneve të mëdha, ai ishte vendi ku pushtetarët tregonin fuqinë e madhe të qeverisë komuniste shqiptare. Skënderbeu, ishte emri i një prej heronjve shqiptarë që luftuan kundër Perandorisë Osmane në shekullin XV, e që i rezistoi pushtimit për dy dekada.

Kulla e Sahatit dhe Xhamia e E’them Beut

Kulla e Sahatit, është një nga simbolet e qytetit. E vendosur në sheshin qendror, pranë xhamisë së Et’hem Beut, ajo daton në vitin 1821. Kulla u ndërtua falë granteve të një prej familjeve myslimane të fuqishme që banonin në kryeqytet.

Puna e bamirësisë e familjes ishte e nevojshme sepse sipas kulturës myslimane, familjet e pasura ndajnë një të dhjetën e të ardhurave të tyre vjetore, për të subvencionuar veprat publike ose më së shumti nevojtarët. Sahati që mund të admirohet sot, vjen nga Gjermania dhe u instalua në vitin 1928, në të njëjtën kohë, kulla është rritur gjithashtu në 35 metra. Megjithatë, gjatë Luftës së Dytë Botërore, ajo u shkatërrua, por u rindërtua menjëherë në fund të luftës.

Pararendëse pranë Kullës së Sahatit, është Xhamia e Et’hem Beut. Kjo është quajtur xhamia më e bukur në Tiranë dhe daton që nga viti 1789. Vëmendje e veçantë janë dekorimet e brendshme dhe të jashtme, përmes të cilave përshkruhen elementët natyrore: ujëvarat, pemët etj.

Parku Kombëtar i Malit të Dajtit

Tirana nuk është vetëm monumente, por edhe natyrë. Në fakt, në zonën juglindore të qytetit është një nga parqet më të mëdha dhe më të rëndësishme në Tiranë. Parku Kombëtar i Malit të Dajtit, një nga zonat e gjelbra më të frekuentuara nga banorët dhe turistët, është pasuruar me një liqen artificial dhe teatro në natyrë. Parku njihet edhe si ‘ballkoni natyror i Tiranës’ dhe ofron strehim për turistët. Parku mund të arrihet me teleferikun e “Dajti Ekspres”, ose duke ndjekur rrugën që ngjitet nga Linza, deri në tarracën e malit, ku është stacioni i kabllove.

Në Parkun Kombëtar të Malit të Dajtit, mund të admironi një bimësi të pasur: me pyje të dendura pishash, lisi, ahu, deri te panjat e larta përgjatë lumit të Dajtit. Ekziston edhe një shkurrishte e dendur mesdhetare, e përbërë nga shkurre si luleshtrydhe, mimozë, fshesë, shqopë, mërsinë, rozmarinë, mastikë. Në mënyrë të ngjashme, parku është shtëpi për një shumëllojshmëri të pasur të faunës, të karakterizuar nga arinj të murrmë, ujq, dhelpra, derra të egër, lepuj, fazanë, shqiponja, skifterë, si edhe zvarranikë dhe amfibë.

Artikullin origjinal e gjeni këtu.

a.s/dita

March 15, 2018 16:02
Komento

3 Komente

  1. Lili March 15, 17:32

    Po po, harroni Tomen,parizin a newyorku,harroni londren apo Madridin,a Istambulin,se Tirana na qenka bere qyteti ma i pasur me Art,hahaha
    Cfare idiotsi duhet me lexuar,
    Kuptohet se me Art njemije vjet larg jeni vetem me kete pohim
    Foutage de gueule,i thone francezet kesadmth ashiqare po talket me pretendimet e Tiranes e lalit Eri

    Reply to this comment
  2. Paul Tedeschini March 15, 21:34

    1- Ne lidhje me Sheshi “Gjergj Kastriot Skënderbeu”, asht si thote gazetarja italjane se “ky shesh ishte vendi ku pushtetarët tregonin fuqinë e madhe të qeverisë komuniste shqiptare”.

    Ndersa sot ne kohen e “Demkracise” sherben per te tregu forcen e fanatizmit islam tue u fale aty diten e bajramit a thue se nuk ka xhamija ku te falen.

    2- “Xhamia e Et’hem Beut. Kjo është quajtur xhamia më e bukur në Tiranë dhe daton që nga viti 1789.”

    Ndersa ne France ne ate vitin1789 u ba REVOLUCIONI FRANCEZ i cili qoi perpara qytetnimin europian dhe te DREJTAT E NJERIUT, ne Tirane ndertohet xhamija arabe e kultures obskurantiste te shekullit te VII.

    Reply to this comment
  3. Kris 1 March 16, 13:11

    Ka harruar dreqi qe buze lanes kane strofullen kope luanesh parengrenes dhe rriten shkurre kerpudhat

    Reply to this comment
Shiko komentet

Komento

Your e-mail address will not be published.
Required fields are marked*