Tiranë, zjarr në një parking pallati tek ‘Don Bosko’, në flakë 2 makina

Redaksia Online April 1, 2013 21:45

Tiranë, zjarr në një parking pallati tek ‘Don Bosko’, në flakë 2 makina

Një zjarr i përmasave të mëdha ka përfshirë mbrëmjen e sotme parkingun e një pallati 10-katësh në zonën e ‘Don Boskos’. Dyshohet se nga zjarri i rënë në parkingun e kompleksit ‘Vizion Plus’ janë djegur disa makina.

Roja i parkingut ka deklaruar fillimisht të ketë parë të paktën dy makina që digjeshin. Sipas policisë makinat e djegura janë një Ford me targë AA 081 CJ dhe një makinë tjetër tip Mitsubishi.

Po sipas burimeve të policisë dyshohet se shkak për zjarrin mund të jetë bërë një shkëndijë elektrike në parkingun e nëndheshëm.

Rënia e zjarrit ka shkaktuar panik edhe tek banorët e kompleksit, pasi me të rënë zjarri në të gjithë zonën përreth është ndërprerë energjia elektrike për arsye sigurie.

Në vendngjarje mësohet se kanë shkuar forca zjarrfikësish për të shuar flakët por edhe forca të policisë. Burime të policisë deklarojnë se për arsye sigurie janë evakuuar banorët e 5 pallateve të kompleksit.

Mësohet se zjarrfikësit kanë mundur të lokalizojnë e shuajnë flakët./bw

Redaksia Online April 1, 2013 21:45
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*